Ezara 9:9 - Mawu a Mulluku

⁹ Vawi hiyaano naari akaporo koma Mullukwaahu khamwaanihiyalle mu okaporwaahu. Koma mwaanooniha echikondaanyu yoohisintheya vamiitthoni va mamwene a o Persiya, onihihimulla wi nimake enyumbaanyu, nipotokose matepiiwa navettho mooniteteza mu Yuda navettho mu Yerusalemu.

Ezara 9:9 ပူးပေါင်းရင်းမြစ်များ

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Hagai 1:9

“Mookhalla mutiyerellaka ddoohata ddinchichi koma muhatille vang'ono. Mvo mwahateenyu ddoohata ddanyu, miyaano kaaddivaviha. Vano mi Apwiya Amasiva Mattheene kinnallota wi, keerella tini valle ddenndda? Ekaambiiwa tti yawi miyaano enyumbaaka tti ntepe vawi arive muthu aviheeriwalle ni omaka enyumbaaye.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Ezekiele 11:16

“Sika alleelle akaporo akhwaawo wi mi Apwiya Mulluku kinallota wi kohaarumiha woorekamellana ni athu a mitundu ddimodda ni waapallallesella o ellapo ddimodda. Vano kinaasungave o ellapo nnddo yapharelliwiiwawo.”

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yesaya 5:2

Aayillima phaama, avenyihamo malluku, aallamo mpesa ddaphaama wunchichi. Aamaka nttattha variyari va emateeyo, aasema moovotellamo mpesa muwarimmo. Aatiyerella wi emateeyo yimme mpesa waphaama koma wimmalle mpesa woonanara.

Ezara 7:8

Nave aaphiya o Yerusalemu mweeri waneetthanu mu muyakha waneetthanu ni piilli wa amwene.

Ezara 9:10

“Nave vano nyu Mullukwaahu, hiyaano ninaallote tini vatulli va yeella? Vawi khaniiwellelle malamulwaanyu,

Masalimo 109:12

Ahikhallevo naari mmodda anaamoonihelle oreera murima, anaaweerelle echifundo akhwaaddunaaye.

Masalimo 138:7

Naari keete variyari va ddookatamiha, nyu, munnasunga okumaaka. Munnattaphurusa nnatta nanyu waahiiha adanaaka oosha murima, nnattanatta nanyu ninnakivullusa.

Yesaya 14:3

Apwiya eneerewuuvumihani o ddoowaawa, ddoohoosa ni mitteko ddootopiha nnddo athu yuuphariheewani.

Ezara 2:68

Amodda mwa oohoollella mabanja yaphiyalliiwa o enyumba ya Apwiya mu Yerusalemu, yaavelleella emphaso o enyumba ya Mulluku wi emakiwettho vantepeni viwa.

Nehemiya 2:17

Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Yesaya 61:4

Eneeromakattho matepe akhalle a muzinda, eneeroddiimesa enyumba ddawoonongeya. Eneeropotokosattho mizinda ddoopasuliwa navettho mapuro oohiyiwa waambeella khalle.