Ezara 9:2 - Mawu a Mulluku

² Aisraele attheene ahaakusa anamwani amodda aatthiyana a ellapo ddenndda okhalla awariwa ni awariwa a aniiwa sika wi mutundu wa athu oopatuleya woottakanyiherana ni athu a mitundu ddimodda. Nave mu ohiroromelleyanngu, oohoollella ni attekweene sika enahoollella ddoonanara.

Ezara 9:2 ပူးပေါင်းရင်းမြစ်များ

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

Eksodo 34:16

Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Ezara 10:2

Vano Shekaniya mwaana a Yehiyele a nibanja na Elamu aamulleella Ezara wi, “Khaniroromelleyille wa Mullukwaahu nave nookhalla naatthellaka atthiyana eelleto oovenyera o mitundu dda athu a ellapo dda wuno. Koma vano naari ddiri ddiiddo vookhalla etiyerello wa Aisraele.

1 Akorinto 7:14

Vawi mullopwana oyo ahiri ookhulupilila annaakhullelliwa wa Mulluku voopataanani ni mwaariye nave mutthiyana oyo ahiri ookhulupilila annaakhullelliwa wa Mulluku voopataanani ni mamune. Waahikhanlleke ddiidda, aniiwa yaaweerokhalla wonanko anamwani ayo ehiri ookhulupilila koma vawi ddiri ddiidda, ennaakhullelliwa wa Mulluku.

Malaki 2:15

Ethiyo Mulluku khaaweeriheni wi mukhalle mwiilli mmodda owaaka munepa ni alliwa? Ethiyo yoolingaaye yaari tini vaweerani ddenndda? Yaari yawi mukhalle ni anamwani ayo eri athu a Mulluku. Sika onesesani wi ahikhallevo naari mmodda a nyuwaano oyo oohiroromelleya wa mwaariye.

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.

Deuteronomo 14:2

Nyuwaano moopatulelliwa wa Apwiya Mullukwaanyu vawi yahuutthoollani variyari va mitundu dda athu ddittheddene dda ellapo yavatthi wi mukhalle yoohallaniiwa.”

Eksodo 22:31

“Okhalle muthwaaka oopatuleya. Sika ohicheke enama yoottakhuniwa ni enama ddamuhakani koma waavahereke anapwa.

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

2 Akorinto 6:14

Muhaattaneke ni athu oohikhulupilila. Echilungamo ni yoonanara ddinaathaanane mwawiidde? Epiphi ni owala ddinaathaanane mwawiidde?

Genesis 6:2

anamwani aallopwana a Mulluku yahoona wi anamwalli a athwaayo yaari ooreera, sika yahaamba waatthella ayo yaakondilliiwa.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Nehemiya 13:28

Nave mmodda a anamwani aallopwana a Yoyada, mwaana a Eliyashibu mullupa mukutho muullupalli aari mukamwene a Sanibalati Muhoroni. Sika ekaambiiwa kamwiikarilleemi wi avenyewo o Yerusalemu.

Nehemiya 13:17

Vaavo kahaahumullulla oohoollella a mu Yuda nave kahaakoha wi, “Ethiyo yoonanara muneerenyweella tti tini, oripiha nllapo na Sabata?

Yoswa 23:12

Mwahokollowella mutulli nave mwattakanyiherana ni mitundu ddoohalla nndda ddiri variyari vanyu munaatthella nave alliwa enuutthellani,

Ezara 9:12

Sika muhaavelleelle aniinyu aatthiyana wa aniiwa aallopwana apaalle waakusa aniiwa aatthiyana ni waavelleella wa aniinyu aallopwana. Nave muhaashe murendelliiwa apaalle eyuumiiwa wi mukhalle amasiva ni ocha ddaphaama dda mwiillaponimmo ni waahiyera aniinyu wi ekhalle yayiwayayiwa enthawi yoohimalla.’

Ezara 9:14

Ethiyo hiyaano ttuuweera phudda ohiiwellella malamulwaanyu ni otthellana ni athu a mitundu ddimodda ayo eneera ddoonanaranndda? Ethiyo khemunishella murima ni onitthollosa ohikhallavottho naari muthu mmodda oohalla apaalle othawa?

Levitiko 21:15

wi ahiripihe edduullu ddaye vawi mi tti Apwiya ayo yamupatulalle.”

Yoswa 22:15

Ephiyalle o ellapo ya Giliyadi, yaallota ni athu a nlloko na Rubeni, na Gadi ni hafu a nlloko na Manase wi,

1 Mamwene 11:1

Mwene Solomoni aanaakonda atthiyana eelleto anchichi. Waanjerera va mwaana aamutthiyana a Farao a o Iguputo, ahaatthellattho atthiyana oovenyera o Mowabu, o Amoni, o Edomu, o Sidoni ni o Hiti.