Ezara 9:12 - Mawu a Mulluku

¹² Sika muhaavelleelle aniinyu aatthiyana wa aniiwa aallopwana apaalle waakusa aniiwa aatthiyana ni waavelleella wa aniinyu aallopwana. Nave muhaashe murendelliiwa apaalle eyuumiiwa wi mukhalle amasiva ni ocha ddaphaama dda mwiillaponimmo ni waahiyera aniinyu wi ekhalle yayiwayayiwa enthawi yoohimalla.’

Ezara 9:12 ပူးပေါင်းရင်းမြစ်များ

Deuteronomo 7:3

Nave muhitthellaneke ni alliwaayo nave muhaatthellaniheke aniinyu aatthiyana ni aniiwa aallopwana apaalle waatthellaniha aniinyu aallopwana ni aniiwa aatthiyana.

Deuteronomo 23:6

Muheere erive ello yowaavaha murendelle apaalle eyuuma wa enthawi yoohimalla.

Miyambo 13:22

Muthu aphaama annahiyera eyuuma edduullu ddaye koma oonanara eyuumaaye ennakhalla ya oolungama.

Yesaya 1:19

Mwaarimi mukhonzekille okiiwellella muneerocha ddaphaama va ellapo yavatthi.

Miyambo 20:7

Muthu oolungama ni oororomelleya, anaaye ennadala vatulli viwa.

Ezara 9:2

Aisraele attheene ahaakusa anamwani amodda aatthiyana a ellapo ddenndda okhalla awariwa ni awariwa a aniiwa sika wi mutundu wa athu oopatuleya woottakanyiherana ni athu a mitundu ddimodda. Nave mu ohiroromelleyanngu, oohoollella ni attekweene sika enahoollella ddoonanara.

Eksodo 23:32

Muheerena echipangano alliwaayo naarittho milluku ddiwa.

2 Epilli 19:2

Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

1 Epilli 28:8

Vano vamiitthoni va Aisraele attheene, mutthukumano wa Apwiya, nave vamiitthoni va Apwiya kinuulleellani wi musungeke ni wiiwellella malamulo a Apwiya Mullukwaanyu wi mukhalle ni ellapo yaphaameella monga yoohallanaanyu ni edduullu ddanyu wa enthawi yoohimalla.