Ezara 9:1 - Mawu a Mulluku

¹ Vano ddittheddenenndda ddeereyille, oohoollella amodda yaawa wa miyaano ellota wi, “Aisraele, allupa mukutho ni Alevi kheyiipatulalle wa athu a mwiillaponimmo ni ddoolakwa ddiwa ovenyera wa Akanani, Ahiti, Aperezi, Ayebusi, Aamoni, Amowabu, Aiguputo ni Aamori.

Ezara 9:1 ပူးပေါင်းရင်းမြစ်များ

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

Yeremiya 26:16

Vano oohoollella ni athu amodda yahaalleella allupa mukutho ni anamallotella wi, “Muthoolla khaphwanenlle wiiphiwa vawi allotille ni hiyaano mu nnddina na Apwiya Mullukwaahu.”

Yeremiya 26:10

Oohoollella a o Yuda yiiwalle ddeereyillennddo, yaatimulla ovenyera o enyumba yoomwene oya o enyumba ya Apwiya yakeraatthi va nipuro niwa o Mullako Wanaanweene wa enyumba ya Apwiya.

Yesaya 52:11

Khumani, khumani, venyaniwoni mwawaakuva o Babiloninko, muhittannye ello yooripihiwa! Nyu ootukhulla eziwiya ddoopatulelliwa Apwiya, khumani, ddeelliheni.

Masalimo 106:35

Koma yaattakanyiherana ni mitundu ddimoddannddo ehuddera makhallellwiiwa oonanara.

Nehemiya 4:3

Nave Tobiya Muamoni oyo aari ni olliye aallota wi, “Mpanda enamakiiwooyo khatwe arimawellavo, ttuukumuwa.”

Ezara 10:8

woollota wi, “Arive muthu ahinaaphiye variyari va mallapo mararu moollikana ni lamulo na oohoollella ni na attekweene aneerewaakhiwa katundwaaye muttheene nave avenyihiwe m'mullokoni wa athu oohokollowa wuukaporoni.”

2 Epilli 33:2

Olliye aheera ddoonanara vamiitthoni va Apwiya voothwarani mitteko ddoonanara dda athu a mitundu ddimodda ayo Apwiya yawiikarilliiwa ehinaphiye Aisraele.

1 Mamwene 11:1

Mwene Solomoni aanaakonda atthiyana eelleto anchichi. Waanjerera va mwaana aamutthiyana a Farao a o Iguputo, ahaatthellattho atthiyana oovenyera o Mowabu, o Amoni, o Edomu, o Sidoni ni o Hiti.

Deuteronomo 18:9

Mwavollowa mu ellapo eyo Apwiya Mullukwaanyu enuuvahiiwani, muhithwareke makhallello oonanara a mitundu dda athu a wenko.

Numeri 23:9

Kinawoona ovenyera vaddullu va miyaango, Kinaweha ovenyera va asimiyaango. Alliwa tti athu ookhalla vaweekhiiwa, oohiddeerengelle ni athu a mitundu ddimodda.

Levitiko 18:3

Muhineeraka eneera athu a o Iguputo mwakhalleenyu wulle nave muhineeraka nnddo eneera athu a o Kanani nko kineereemi kuuphiyiheniwoni. Muhinattakihaka makhallellwiiwa.

Eksodo 23:23

Mungelwaaka aneerewuuhoollellani nave aneerewuuvollochihani mu ellapo ya Aamori, Ahiti, Aperezi, Akanani, Ahivi ni Ayebusi nave kineerowoononga attheenaayo.

Eksodo 13:5

Apwiya yaallupella wa makhollwaanyu wi eneerewuuvahani ellapo ya Akanani, Ahiti, Aamori, Ahivi ni Ayebusi. Ellapo yeeyo tti yooddalla ni mukaka ni enwi. Yuuvollochihani mu ellapo yeeyo, musungeke ehakallallo yeella mu mweeri yoolla.

Genesis 15:16

Viviralle mibado sese edduullu ddawonnddo ddineerohokollowattho ekaamba yawi ngiwiikariha a Aamori ophiyera onanara wiwa ophiyalle variyari wi ellakiwe.”

Nehemiya 4:7

Koma Sanibalati, Tobiya, Aarabu, Aamoni ni Aasidodi yiiwalliiwa wi mutteko woomaka mpanda wa Yerusalemu onnavirellella nave wi mapuro a mpanda ookumuwaalle aamakiwattho, yaananariwa wunchichi.

Nehemiya 13:23

Enthawi yeeyo kaawoona Ayuda ayo yaatthenlle atthiyana a o Ashidodi, a o Amoni navettho a o Mowabu.

Malaki 2:11

Athu a o Yuda kheroromelleye nave aheera yoonanara mu Yerusalemu owaaka ellapo ettheene. Aaripiha enyumba yookondiwa ni Apwiya vawaatthellani atthiyana oollapella mulluku eelleto.

Numeri 25:6

Vano Muisraele mmodda aawaana onibanjani waye mutthiyana a o Midiyani, Mose ni Aisraele attheene yoonaka va enthawi eyo yunlliiwa va mullako wa musasa wamutthukumano.

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Deuteronomo 23:8

Waambeella va mbado waneeraru ophiyera muhoollo edduullu ddiwa ttuuvollowana mu mutthukumano wa Apwiya.”

Yoswa 23:12

Mwahokollowella mutulli nave mwattakanyiherana ni mitundu ddoohalla nndda ddiri variyari vanyu munaatthella nave alliwa enuutthellani,

2 Epilli 8:7

Athu a mitundu ddimodda ayo yahiri Aisraeli yahanlle yaari Aamori, Ahiti, Aperezi, Ahivi ni Ayebusi.

Ezara 10:2

Vano Shekaniya mwaana a Yehiyele a nibanja na Elamu aamulleella Ezara wi, “Khaniroromelleyille wa Mullukwaahu nave nookhalla naatthellaka atthiyana eelleto oovenyera o mitundu dda athu a ellapo dda wuno. Koma vano naari ddiri ddiiddo vookhalla etiyerello wa Aisraele.