Ezara 8:23 - Mawu a Mulluku

²³ Sika ekaamba ya yeella, naahalla ocha* nave naavekella wa Mullukwaahu nave ahiiwa ovekella wahu.

Ezara 8:23 ပူးပေါင်းရင်းမြစ်များ

Ezara 8:31

Vano va nllapo naneekhumi ni piilli na mweeri wawaamba naavenyawo o muhinje wa Ahava oya o Yerusalemu. Nnatta na Mullukwaahu naari va hiyaano nave aaniteteza m'mattani mwa adanaahu ni mwa athu ooniipitthella.

Deuteronomo 4:29

Wenko nyuwaano muneerowaashaasha Apwiya Mullukwaanyu nave mwawaashaasha ni murimaanyu muttheene ni okumaanyu muttheene muneerewaaphwanya.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

1 Epilli 5:20

Yaamuroromella Mulluku ni oveka nikavihero wa olliye nave Mulluku ahaakhulla oveka wiwa nave ahaapambaniha wa Ahagiri ni awiiwananiiwa.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Yesaya 19:22

Apwiya eneerewaallaka Aiguputo koma vatulli viwa eneerewaachiriha. Ddawoona, eneerewiiwa ni waachiriha yarukunuwella wa alliwa.

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

Genesis 25:21

Vano vawi mwaara Isaki khaayara, Isakooyo aamuvekella mwaariye wa Apwiya. Apwiya yahiiwa ovekella waye nave Rebeka aakusa erukullu.

2 Mamwene 13:4

Vano Yehowahazi aavekella wa Apwiya nave yaamwiiwella vawi yahoona ohoosiwa wa Aisraele nko mwene a o Siriya aweerelleeye.

Miyambo 3:5

Aroromelle Apwiya ni murimaawo muttheene. Ohinaroromellaka nnddo onaganizeewe wi onnadduwella.