Ezara 8:18 - Mawu a Mulluku

¹⁸ Nave ekaamba yawi nnatta naphaama na Mullukwaahu naari va hiyaano, yaawaana muthu eezeru a mu nibanja na Mahili oyo aari Mulevi, Muisraele nnddina naye Sherebiya vamodda ni anaaye ni abalaaye nave attheene yaari allopwana 18.

Ezara 8:18 ပူးပေါင်းရင်းမြစ်များ

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Nehemiya 2:8

Nave mukinnyettho kalata mmodda a Asafu oowehera otthako wamwene wi akivahe matabwa oopangella machiwi a millako dda mpanda wa enyumba ya Mulluku, a mpanda wa muzinda ni a enyumba eyo kinaakhallekeemimo.” Nave mwene aakinnya nnddo kavekilleemi vawi nnatta naphaama na Mulluku naari va miyaano.

Ezara 7:28

Nave tti ayottho yoonihalle echikondiiwa yoohisintheya wa miyaano vamiitthoni va amwene, alangiziiwa ni enduna ddiwa ddamasiva. Kaallipa murima vawi nnatta na Apwiya Mullukwaaka naari va miyaano nave kahaatthukumaniha athu oohoollella a Israele wi ethaanane ni miyaano.”

Daniele 1:20

Enthawi ddittheddene mwene akoha ddeko ddoopaalleya ezeru ni wiiwesesa, aanaphwanya wi alliwa yaanaakhwaranya wunchichi amasenga ni awoombesa a mu omwenaaye ottheene.

Ezara 8:22

Vawi kaawulliwa muru wi kaaveke amwene wi enivahe mulloko wa akhoto ni athu oowella va akavalo wi eniteteze wa adanaahu va olendwaahu vawi naamulleella mwene wi, “Nnatta naphaama na Mullukwaahu ninnaadalisa attheene enamwaasha olliye nave masiva a ollutuwa waye onnaamorella ayo enamuhiya.”

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

1 Epilli 6:19

Merari aamuyara Mali ni Mushi. Yaalla sika yaari mabanja a Levi moollikana ni makhollwiiwa.

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

Miyambo 24:3

Ezeru ennamakiha enyumba, wiiwesesa onnakeraatthiha.

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Nehemiya 12:24

Oohoollella a Alevi, Hashabiya, Sherebiya ni Yeshuwa mwaana a Kadimiyele ni abaliiwa yaakaviherana vawiipani machipo oollapella ni oothokoza moollikana ni mmo Davide muthu a Mulluku alamulalleeye wi mulloko wiipeke moowaakakhana.

Nehemiya 8:7

Athwaayo yiimenllettho Alevi yahaakavihera wi yiiwesese malamulo. Alevaayo tti Yeshuwa, Bani, Sherebiya, Yamini, Akubu, Shabetayi, Hodiya, Maaseiya, Kelita, Azariya, Yozabadi, Hanani ni Pelaya.

Ezara 8:24

Vano mwa oohoollella a allupa mukutho kahaatthoolla khumi ni eelli monga Sherebiya, Hashabiya ni amodda khumi.

Ezara 8:16

Vano kaawiithana oohoollella monga Eliyezere, Ariyele, Shemaya, Elinatani, Yaribu, Elinatani, Natani, Zekariya ni Meshulamu vamodda ni ahuddihi eelli Yoyaribu ni Elinatani.

Numeri 3:20

Anamwani a Merari moollikana ni mabanjiiwa yaari Mali ni Mushi. Yaalla sika mabanja a Levi moollikana ni makhollwiiwa.

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

Ezara 8:19

Nave yaamurumihattho Hashabiya ni Yeshaiya a nibanja na Merari ni abalaaye ni aniiwa nave attheene yaari allopwana 20.

1 Epilli 6:1

Levi aamuyara Gereshomo, Kohati ni Merari.

1 Epilli 6:4

Eleazara aamuyara Finehasi, Finehasi aamuyara Abishuwa,

Ezara 7:9

Vawi va nllapo nawaamba na mweeri wawaamba aavenyawo o Babiloni nave va nllapo nawaamba na mweeri waneetthanu aaphiya o Yerusalemu vawi nnatta naphaama na Mullukwaaye naari va olliye.