Ezara 7:6 - Mawu a Mulluku

⁶ Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Ezara 7:6 ပူးပေါင်းရင်းမြစ်များ

Ezara 8:22

Vawi kaawulliwa muru wi kaaveke amwene wi enivahe mulloko wa akhoto ni athu oowella va akavalo wi eniteteze wa adanaahu va olendwaahu vawi naamulleella mwene wi, “Nnatta naphaama na Mullukwaahu ninnaadalisa attheene enamwaasha olliye nave masiva a ollutuwa waye onnaamorella ayo enamuhiya.”

Ezara 7:28

Nave tti ayottho yoonihalle echikondiiwa yoohisintheya wa miyaano vamiitthoni va amwene, alangiziiwa ni enduna ddiwa ddamasiva. Kaallipa murima vawi nnatta na Apwiya Mullukwaaka naari va miyaano nave kahaatthukumaniha athu oohoollella a Israele wi ethaanane ni miyaano.”

Ezara 8:31

Vano va nllapo naneekhumi ni piilli na mweeri wawaamba naavenyawo o muhinje wa Ahava oya o Yerusalemu. Nnatta na Mullukwaahu naari va hiyaano nave aaniteteza m'mattani mwa adanaahu ni mwa athu ooniipitthella.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Nehemiya 2:18

Sika kahaatthopoollella wi nnatta naphaama na Mullukwaaka naari va miyaano navettho dda mawu ayo amwene yakilleellilliiwa. Nave athwaayo yaallota wi, “Hankoni naambe omakattho.” Vano yahiivelleella ni murimiiwa muttheene wi yaambeelle mutteko waphaama.

Nehemiya 2:8

Nave mukinnyettho kalata mmodda a Asafu oowehera otthako wamwene wi akivahe matabwa oopangella machiwi a millako dda mpanda wa enyumba ya Mulluku, a mpanda wa muzinda ni a enyumba eyo kinaakhallekeemimo.” Nave mwene aakinnya nnddo kavekilleemi vawi nnatta naphaama na Mulluku naari va miyaano.

Ezara 8:18

Nave ekaamba yawi nnatta naphaama na Mullukwaahu naari va hiyaano, yaawaana muthu eezeru a mu nibanja na Mahili oyo aari Mulevi, Muisraele nnddina naye Sherebiya vamodda ni anaaye ni abalaaye nave attheene yaari allopwana 18.

Ezara 7:21

“Vano miyaano mwene Aritakisereksesi kohaalamula oosunga eyuuma attheene a mu echigawo ya vakhopella va muhinje wi ddittheddene nnddo Ezara mullupa mukutho, muhuddihi eeruso a malamulo a Mulluku ooddullu anaavekeeye wa nyuwaano ddeereye moororomelleya.

Ezara 7:9

Vawi va nllapo nawaamba na mweeri wawaamba aavenyawo o Babiloni nave va nllapo nawaamba na mweeri waneetthanu aaphiya o Yerusalemu vawi nnatta naphaama na Mullukwaaye naari va olliye.

Miyambo 3:6

Owaakhullelleke Apwiya mu erive ello nave eneerewookolla ettilla ddawo.

Deuteronomo 28:1

“Mwiiwellella mawu a Apwiya Mullukwaanyu ni othwara moororomelleya malamulo mattheene ayo kinawinnyeemini ollellova, Apwiya Mullukwaanyu eneerewuuwellihani okhwaranya mitundu ddimodda ddittheddene dda va ellapo yavatthi.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

1 Akorinto 15:1

Asinnaka ni arokoraka, vano kinapaalla kiwuupuseni nyuwaano dda othenga waphaama oyo kallalleyeemi wa nyuwaano, oyo mwaakhenlleenyu nave va yooyo echikhulupililwaanyu eniimella moollipa.

1 Akorinto 1:20

Sika vano, nndda ddinaaphiyihe wuuwi athu eezeru apaalle ahuddihi a malamulo* apaalle athu oodduwella ollota, ayo eri a ellapweella? Mulluku oheeriha wi ezeru dda athu a ellapweella ddikhalle ddookarangeya!

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Yesaya 59:1

Ngoonani, muwono wa Apwiya khokhuveyille wi khewora ovullusa apaalle maarwiiwa khekhoowille wi khewora wiiwa.

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Masalimo 45:1

Murimaaka wooddalla ni mwaha waphaama, kinamwiipella mwene echipwaakeella. Nllumi naka niri wonanko yoolembella ya muthu eeruso yoolemba.

Nehemiya 12:36

Vaakhallattho abaliiwa monga Shemaya, Azarele, Milalayi, Gilalayi, Maayi, Netanele, Yuda ni Hanani ayo yatukhulla ezida ddawiipella machipo dda Davide muthu a Mulluku ni Ezara namalembella oyottho aahoollella.

Nehemiya 8:13

Va nllapo naneepiilli oohoollella mabanja a athu attheene, allupa mukutho ni Alevi yaatthukumana vamiitthoni va Ezara namalembella wi ehuddere mawu a malamulo.

Nehemiya 4:15

Adanaahu yoonilliiwa wi naadduwella nave wi Mulluku aalepheliha echiwembu yakhozilliiweeyo, attheene naahokollweella omuttekoni woomakattho mpanda, arive muthu omuttekoni waye.

Nehemiya 2:12

Nave ngaamulleelle arive muthu nnddo Mulluku addihiyalleeye m'murimani mwaka wi kimweerelle Yerusalemu. Vano kaavenya mahiiyu vamodda ni athu amodda vang'ono nave khavaari erive enama opatula bulu oyo kamuwenlleemi.

Ezara 6:22

Nave yaahakallallella Ehakallallo ya Buledi Oohikhalla ni Yisiti wa mallapo matthanu ni meelli. Vawi Apwiya yaaweeriha wi ehakallalle nave aarukunusa murima wa mwene a o Asiriya mwawi aaweerella echifundo nave ahaakavihera va mutteko woomakattho enyumba ya Mulluku, Mulluku a Israele.

Ezara 5:5

Koma Mulluku aanaawehera oohoollella a Ayuda sika athwaalla kheyaahiihalle omakattho ophiyera emulembenlle kalata mwene Dariusi nave kalatoolle aakhulliwe.

Yeremiya 8:8

Munaallote mwawiidde wi muri eezeru nave wi mookhalla ni malamulwaaka? Ngoonani vawi malamulwaayo aasinthiwa ni alembi awoottha.

Nehemiya 12:26

Yaalla sika yaarivo enthawi ya Yoyakimu mwaana a Yeshuwa, mwaana a Yozadaki navettho enthawi ya enduna Nehemiya ni ya Ezara mullupa mukutho navettho namalembella.

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Nehemiya 8:4

Nave Ezara namalembella ahiimella va nttattha namiteekho nno yanimakilliiwa ekaamba ya mutthukumanooyo. Onnattanatta waye wiimenlle Matitiya, Shema, Anaya, Uriya, Hilikiya ni Maaseiya. Wuunyotthoni waye wiimenlle Pedaya, Mishaele, Malikiya, Hashumu, Hashibadana, Zekariya ni Meshulamu.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Mateyu 23:2

wi, “Ahuddihi a malamulo* ni Afarisi* aakhalla ni olamulello woottaphullella malamulo a Mose.

Ezara 7:5

mwaana a Abishuwa, mwaana a Finehasi, mwaana a Eleazara, mwaana a Aroni, mullupa mukutho muullupalli.

Nehemiya 8:1

Voophiyani mweeri waneetthanu ni piilli, Aisraele yaari ekeraattheyille m'mapuroni mwiwa. Vano athu attheene yaatthukumana vamodda vanthatoni moowehana ni mullako wa Maaddi. Vano athwaayo yaamuveka Ezara namalembella wi aweena nibukhu na malamulo a Mose nno Apwiya yaavahilliiwa Aisraele.

Ezara 8:1

Nna sika ntthopoollo na manddina a oohoollella a mabanja ayo yahokollowille ni miyaano ovenyera o Babiloni mu enthawi ya olamulello wa mwene Aritakisereksesi.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Masalimo 80:18

Vano khanuuhiyanittho, nivaheni okumi wi nillapelle nnddina nanyu.

Masalimo 109:27

Adanaaka edduwelle wi nenno tti nnatta nanyu, wi tti nyuwaano, Apwiya, mweerille ddenndda.

Masalimo 147:19

Ennamudduwelliha Yakobo mawiiwa, ennamuhuddiha Israele malamulwiiwa ni malangizwiiwa.