Ezara 7:26 - Mawu a Mulluku

²⁶ Oyo ahinaawiiwellelleke malamulo a Mullukwaawo ni malamulo a amwene allakiwe wunchichi vawiiphiwani apaalle voovenyihiwani mu ellapweeyo apaalle voowaakhiwani katundwaaye apaalle voovokhiwani mu endende.”

Ezara 7:26 ပူးပေါင်းရင်းမြစ်များ

Ezara 6:11

Nave kinalamulattho wi oyo ahinawiiwellelle, mugomba wa enyumbaaye oneerotthomolliwa nave aneerokhomelliwa vaavo nave enyumbaaye eneerotthattusiwa nddalla.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Masalimo 52:5

Koma Mulluku aneerewuunyenya wa enthawi yoohimalla, aneerowuuphara ni wuukhumihella otte wa enyumbaawo, aneerewuutulla mu ellapo ya athu ookumi.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

Ezara 6:12

Mulluku oyo atthoollille Yerusalemu wi akhalle nipuro noomullapellawo amugonjihe arive mwene apaalle orive mutundu oyo onaasinthe ddenndda apaalle woononga enyumba ya Mulluku mu Yerusalemu. Miyaano Dariusi kookeraatthiha lamulonna nave arive muthu iiwellelle ni murima muttheene.”

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”

Ezara 10:4

Venyani vawi yoolla sika odindwaanyu nave niri ni nyuwaano. Llipani murima nave pharani mutteko.”

Ezara 10:8

woollota wi, “Arive muthu ahinaaphiye variyari va mallapo mararu moollikana ni lamulo na oohoollella ni na attekweene aneerewaakhiwa katundwaaye muttheene nave avenyihiwe m'mullokoni wa athu oohokollowa wuukaporoni.”