Ezara 7:10 - Mawu a Mulluku

¹⁰ Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

Ezara 7:10 ပူးပေါင်းရင်းမြစ်များ

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Masalimo 1:2

Komathi tti oohakallalla aawiiwellellaka malamulo a Apwiya, aaganizeraka dda malamulwaalla otthaana ni mahiiyu.

Ezara 7:25

“Vano weyaano Ezara moollikana ni ezeru dda Mullukwaawo nnddo ddiri m'mattani mwawo, waatthoolle aweeruza oohiyanahiyana va athu attheene mu echigawo ya vakhopella va muhinje nave athweene oodduwella malamulo a Mullukwaawo. Vano athu ayo ehinaadduwella oneerekewaahuddiha.

Masalimo 19:7

Malangizo a Apwiya tti aphaama wunchichi, ennahihimulla okumi. Omboni wa Apwiya tti woororomelleya, onnaavaha ezeru ayo ehinna.

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

Masalimo 10:17

Apwiya, munniiwa nnddo oohoosiwa enavekiiwa, munnaallipiha mwiilli, munnawaapella maaru.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Tito 2:1

Nave weyaano ohuddiheke moollikana ni ehuddiho yawoona.

Masalimo 119:45

Kineereweeta mwamurendelle, kaambiiwa kinnapwatha malamulwaanyu.

Masalimo 57:7

Nyu Mulluku, murimaaka wookeraattheya, murimaaka wookeraattheyesesa. Kineerewiipa nchipo, nchipo nene nawuutitimihani.

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

2 Epilli 19:3

Komave ddookhallavo ddimodda ddaphaama mweerilleenyu vawi mwahoononga mafano a Asherimu mwiillaponimmu nave munnamullapella Mulluku ni murimaanyu muttheene.”

2 Epilli 12:14

Nave aheera yoonanara vawi murimaaye khewaapaalla owaashaasha Apwiya.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”

Tito 2:15

Ohuddihe ddeko ddenndda navettho opharihe mutteko olamulellwaawo vawaallipihani murima ni waahumullulla. Vihikhalle muthu anuuvevulleke.

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

Mitteko 1:1

Ooriiheya Teofilo, valle mu nibukhu naka nawaamba kaalemba dda ddeko ddittheddene Yesu eereeye owaaka ahuddiheeye ovenyera va nllapo aambilleeye muttekwaaye

Deuteronomo 16:12

Muupuwelleke wi mwaari akaporo o Iguputo, sika mooneseseke wi muwiiwellelleke malamulwaalla.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Mateyu 5:19

Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

Yobu 11:13

We Yobu, potokosa phaama murimaawo, tukhullella nnatta nawo wa Mulluku.

Ezara 7:11

Olla sika kalata oyo mwene Aritakisereksesi amwinnyalleeye Ezara mullupa mukutho, namalembella, muhuddihi eeruso a malamulo a Apwiya ni malangizwiiwa mu Israele.

Masalimo 119:112

Koohiyavo murimaaka wi okondeke malamulwaanyu enthawi ettheene.