Ezara 5:2 - Mawu a Mulluku

² Vano Zerubabele mwaana a Shealatiele ni Yeshuwa mwaana a Yozadaki yahaamba omakattho enyumba ya Mulluku mu Yerusalemu. Nave anamallotella a Mulluku yahaakavihera.

Ezara 5:2 ပူးပေါင်းရင်းမြစ်များ

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Ezara 6:14

Nave oohoollella a Ayuda yaavirellella omakattho nave ddaaneeta phaama mookaviheriwa ni ollotella wa Hagai namallotella ni Zekariya mwaana a Ido. Yaamalliha muttekwiiwa woomakattho moollikana ni Mulluku a Israele ni olamula wa mamwene a o Persiya Kirusi, Dariusi ni Aritakisereksesi.

2 Akorinto 1:24

Hiyaano khaninuulamulani yoophwanella nyuwaano okhulupilila vawi ninnadduwella wi nyuwaano tti oohitikheya mu echikhulupililo. Koma ninaphara mutteko ni nyuwaano wi muhakallalle.

Zekariya 6:11

Opange enduwira ovenyera o siliva ni golide onaamwaakheewe. Nave enduwireeyo omakelle omuruni wa mullupa mukutho muullupalli Yoswa mwaana a Yehozadaki.”

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Hagai 2:18

Waambeella ollello nllapo na 24, mweeri waneetthanu ni sese oya muhoollo, nllapo nno matthipello a enyumba ya Apwiya yamakiiwiiwa, chenjerani.

Ezara 1:8

Kirusi mwene a o Persiya aaddikhumiha ddenndda addivelleella m'mattani mwa Metiredati, oosunga eyuuma addeerenga vamiitthoni va Sheshibazara, enduna ya o Yuda.

Ezara 3:8

Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Zekariya 4:4

Vano kaamukoha mungelo allota ni miyaano wi, “Apwiya, vano ella tti tini?”

Zekariya 4:14

Sika aallota wi, “Alla tti athu eelli ayo Mulluku aatthoollilleeye ni waazoza wi emurumeyelle olliye, Apwiya a ellapo ettheene.”

Zekariya 8:9

Apwiya Amasiva Mattheene enallota wi, “Khallani amasiva. Vano munniiwa mawu a anamallotella ayo yallotiiwa va enthawi yookeraatthiha matthipello a enyumba ya Apwiya Amasiva Mattheene wi emakiwettho.