Ezara 5:16 - Mawu a Mulluku

¹⁶ Vano Sheshibazara aawa amakattho matthipello a enyumba ya Mulluku mu Yerusalemu nave waambeella enthawi yeeyo ophiyera ollello enimamakiwave nave khenamallihiwe.

Ezara 5:16 ပူးပေါင်းရင်းမြစ်များ

Ezara 6:15

Nave yaamalliha omakattho enyumbeella va nllapo naneeraru na mweeri wa Adara m'muyakha waneetthanu ni mmodda wa omwene wa Dariusi.

Ezara 3:10

Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Ezara 3:8

Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Hagai 2:18

Waambeella ollello nllapo na 24, mweeri waneetthanu ni sese oya muhoollo, nllapo nno matthipello a enyumba ya Apwiya yamakiiwiiwa, chenjerani.

Ezara 5:2

Vano Zerubabele mwaana a Shealatiele ni Yeshuwa mwaana a Yozadaki yahaamba omakattho enyumba ya Mulluku mu Yerusalemu. Nave anamallotella a Mulluku yahaakavihera.

Yohane 2:20

Yaamukoha wi, “Ethiyo oneeroyimakattho m'mallaponi mararu enyumba ya Mulluku ella yaamakiwa miyakha 46?”

Ezara 5:14

Nave eziwiya ddagolide ni ddasiliva dda mu enyumba ya Mulluku nnddo Nebukadinezara addivenyihalleeyemo o Yerusalemu ni oyaana o enyumba ya milluku ya o Babiloni, mwene Kirusi aaddihokollosella wa muthu mmodda nnddina naye Sheshibazara oyo amutthoonlleeye wi akhalle enduna ya mu Yerusalemu.’

Ezara 5:15

Nave aallota ni olliye wi, ‘Kusa eziwiyanndda waddihiye mu enyumba ya Mulluku mu Yerusalemu nave wayimakettho vantepeni viwa.’

Zekariya 4:9

“Zerubabele aamaka matthipello a enyumba yeella ni mattaaye, aneeroyimalliha ni mattaaye yaayo. Vano muneerodduwella wi Apwiya Amasiva Mattheene sika ekirumalle.