Ezara 5:14 - Mawu a Mulluku

¹⁴ Nave eziwiya ddagolide ni ddasiliva dda mu enyumba ya Mulluku nnddo Nebukadinezara addivenyihalleeyemo o Yerusalemu ni oyaana o enyumba ya milluku ya o Babiloni, mwene Kirusi aaddihokollosella wa muthu mmodda nnddina naye Sheshibazara oyo amutthoonlleeye wi akhalle enduna ya mu Yerusalemu.’

Ezara 5:14 ပူးပေါင်းရင်းမြစ်များ

Ezara 6:5

Nave akhullellani eziwiya ddagolide ni ddasiliva dda o enyumba ya Mulluku nnddo Nebukadinezara addivenyihalleeyemo o Yerusalemu ayaana o Babiloni wi ddihokolloselliwe o enyumbeeyo mu Yerusalemu. Erive ello ekhalle vanipuroni viwa mu enyumba ya Mulluku.”

Yeremiya 52:19

Muullupalli a alonda akhotoolle aakusattho mabeseni, eziwaya ddoovallella munllo, embale ddoomiddella, ddoohiyavo enyali, embale ddawoosella lubani, makapu ni ddimodda ddittheddene ddagolide ni ddasiliva.

Ezara 5:16

Vano Sheshibazara aawa amakattho matthipello a enyumba ya Mulluku mu Yerusalemu nave waambeella enthawi yeeyo ophiyera ollello enimamakiwave nave khenamallihiwe.

Mitteko 13:12

Vano oolamulellooyo oonilleeye ddeereyennddo aakhulupilila nave aattikhina ni ehuddiho ya dda Apwiya.

Hagai 2:21

“Omulleelle Zerubabele oolamulella a o Yuda wi kineerotikha eddullu ni ellapo yavatthi.

Hagai 2:2

oya wa Zerubabele mwaana a Shealatiele, oolamulella a o Yuda navettho wa Yoswa mwaana a Yehozadaki, mullupa mukutho muullupalli ni wa amodda attheene wi,

Hagai 1:14

Vano Apwiya yaamullipiha murima Zerubabele mwaana a Shealatiele oolamulella a o Yuda ni Yoswa mwaana a Yehozadaki, muullupalli a allupa mukutho komattho ni athu amodda attheene. Yahaamba ophara mutteko woomakattho enyumba ya Apwiya Mulluku Amasiva Mattheene,

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

2 Epilli 36:18

Nave eziwiya ddittheddene dduullupalli ni dding'onong'ono ni eyuuma ya enyumba ya Mulluku ni eyuuma ya mwene ni ya enduna ddiwa, ddittheddenenndda aawaana o Babiloni.

2 Epilli 36:7

Nave Nebukadinezara aakusa eziwiya ddimodda dda mu enyumba ya Apwiya ayaana o Babiloni nave aaddihiya o enyumbaaye yoomwene o Babiloni.

Ezara 5:15

Nave aallota ni olliye wi, ‘Kusa eziwiyanndda waddihiye mu enyumba ya Mulluku mu Yerusalemu nave wayimakettho vantepeni viwa.’