Ezara 5:11 - Mawu a Mulluku

¹¹ “Nave yaanaakhulla wi, ‘Hiyaano tti oorumeyella a Mulluku ooddullu ni ellapo yavatthi nave nirina omakattho enyumba eyo yamakiwe miyakha ddinchichi ddivirallennddo eyo mwene muullupalli a o Israele ayimakilleeye ni oyimalliha.

Ezara 5:11 ပူးပေါင်းရင်းမြစ်များ

Agalatiya 6:14

Nave miyaano kinakotella dda mutandave wa Apwiihu Yesu Khrisitu; vawi ekaamba ya mutandaaye, ellapo yavatthi wa miyaano tti yookhwa nave miyaano tti ookhwa o ellapo yavatthi.

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Mitteko 27:23

Vawi mahiiyu a oddillo mungelo a Mulluku, Mulluku oyo kiriimi aaye ni oyo kinamullapelleemi, aakiweella,

Luka 12:8

“Kinimuulleellani nyuwaano, muthu anaakhullella wi tti aaka vamiitthoni va athu, miyaanottho Mwaana a Muthu, kineeromwaakhullella vamiitthoni va angelo a Mulluku.

Mateyu 10:32

“Sika arive muthu anaakhullella wi tti aaka vamiitthoni va athu, miyaanottho kineeromwaakhullella vamiitthoni va Attiitthaaka oddullu.

Yona 1:9

Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Daniele 3:26

Sika Nebukadinezara ahaatamella o mullako wa eng'anjo yamunllo iithana wi, “Shadrake, Meshaki ni Abedenego, oorumeyella a Mulluku Amasiva Mattheene, khumani! Waani wuno!” Nave Shadrake, Meshaki ni Abedenego yaakhuma muwari mwa munllommo.

Masalimo 119:46

Kineerollota omboni vamiitthoni va mamwene, ngiwulliwa muru.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

1 Mamwene 6:38

Nave muyakha waneekhumi ni mmodda wa mweeri wa Buli, mweeri waneetthanu ni raru, enyumba ettheene yaamaalla omakiwa moollikana ni mmo yapaallelliiwa. Enyumbeella yamakiwe miyakha mitthanu ni miilli.

Ezara 5:10

Nahaakohattho manddina a oohoollelliiwa wi naalembe nave nuulleelleni.

Masalimo 136:26

Muthokozeni Mulluku ooddullu, echikondiiwa yoohisintheya tti ya enthawi yoohimalla.

Genesis 24:3

Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

1 Mamwene 9:10

Mutteko woomaka enyumba ya Apwiya ni enyumba yoomwene yamukuselle miyakha makhumi meelli.