Ezara 5:1 - Mawu a Mulluku

¹ Vano anamallotella Hagai ni Zekariya mwaana a Ido yaallotella wa Ayuda ookhalla mu ellapo ya Yuda ni Yerusalemu vamiitthoni va Mulluku a Israele oyo aari va anamallotellaayo.

Ezara 5:1 ပူးပေါင်းရင်းမြစ်များ

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Ezara 4:24

Vano mutteko wa enyumba ya Mulluku mu Yerusalemu wahiimella ophiyera muyakha waneepiilli wa olamulello wa Dariusi, mwene a o Persiya.

Ezara 6:14

Nave oohoollella a Ayuda yaavirellella omakattho nave ddaaneeta phaama mookaviheriwa ni ollotella wa Hagai namallotella ni Zekariya mwaana a Ido. Yaamalliha muttekwiiwa woomakattho moollikana ni Mulluku a Israele ni olamula wa mamwene a o Persiya Kirusi, Dariusi ni Aritakisereksesi.

Hagai 2:18

Waambeella ollello nllapo na 24, mweeri waneetthanu ni sese oya muhoollo, nllapo nno matthipello a enyumba ya Apwiya yamakiiwiiwa, chenjerani.

Zekariya 8:9

Apwiya Amasiva Mattheene enallota wi, “Khallani amasiva. Vano munniiwa mawu a anamallotella ayo yallotiiwa va enthawi yookeraatthiha matthipello a enyumba ya Apwiya Amasiva Mattheene wi emakiwettho.

Hagai 1:3

Vano mawu a Apwiya yaawa oweella mwa namallotella Hagai wi,