Ezara 4:7 - Mawu a Mulluku

⁷ Mu enthawi ya Aritakisereksesi mwene a o Persiya, Bishilamu, Metiredati, Tabiyele ni akhwiiwa amodda yaalembattho ddoovaanyihana ddooya wa Aritakisereksesi. Ddoovanyihannddo ddalembiwe mu Earamu nave vaweerengani yaanattaphullella.

Ezara 4:7 ပူးပေါင်းရင်းမြစ်များ

2 Mamwene 18:26

Vano Eliyakimu, mwaana a Hilikiya, Shebina ni Yowa yahaakhulla enduneeyo wi, “Ninuuvekani wi munilleelle mawaalla mu Earamu vawi hiyaano ninniiwa. Koma muhinillotiheke mu Eyuda vawi athu attheene eri vampandanimva enniiwa ellotellweella.”

Daniele 2:4

Vano oollotella ddamuhoollo yamwaakhulla mwene mu Earamu wi, “Nyu amwene, mukhalle ni okumi woorekama. Nilleelleni nnddo mullohilleenyu, nineerewuutthopoollellani ottaphullella wiwa.”

Yesaya 36:11

Vano Eliyakimu, Shebina ni Yowa yahaakhulla enduneeyo wi, “Ninuuvekani wi munilleelle mawaalla mu Earamu vawi hiyaano ninniiwa. Koma muhinillotiheke mu Eyuda vawi athu attheene eri vampandanimva enniiwa ellotellweella.”

Ezara 4:17

Vano mwenooyo ahaakhulla voomurumihani kalata wi, “Wa Rehumu enduna, Shimishai namalembella ni akhwiiwa amodda ookhalla mu Samariya ni mu echigawo ya vakhopella va muhinje kinuuvahani mooni.

Ezara 4:9

“Ovenyera wa Rehumu enduna, Shimishai namalembella ni akhwiiwa amodda monga aweeruza, enduna ddimodda, attekweene, Apersiya, athu a o Ereki, Ababiloni, athu a o Susa ayo yaari Aelamu

Ezara 5:6

Olla sika kalata arumihiwe wa mwene Dariusi ovenyera wa Tatanai enduna ya echigawo ya vakhopella va muhinje, Shetari Bozenai ni akhwaaye, enduna ddimodda dda mu echigawo ya vakhopella va muhinje.

Ezara 4:1

Vano adani a Yuda ni Benjamini yiiwalliiwa wi athu yawiillewo wuukaporonaalle ahaamba omakattho enyumba ya Apwiya Mulluku a Israele,

Ezara 4:8

Nave Rehumu, oolamulella muullupalli ni Shimishai namalembella a echigaweeyo yaamulemba kalata ooya wa mwene Aritakisereksesi owaavaanyiha athu a o Yerusalemu mwawi ddiidda,

Ezara 8:36

Yaavelleellattho kalata a amwene wa enduna ni alangizi a mwene a o echigawo ya vakhopella va muhinje ayo yaakavihera athu navettho enyumba ya Mulluku.

Ezara 7:1

Vano ddimanlle ddenndda mu olamulello wa mwene Aritakisereksesi a o Persiya, vaakhalla muthu nnddina naye Ezara mwaana a Seraya, mwaana a Azariya, mwaana a Hilikiya,

Nehemiya 2:1

Vano mu mweeri wa Nisani muyakha wa 20 wa omwene wa Aritakisereksesi mvo vinyo awiilleeye, kaamukusa kamuvelleella wa mwene. Vano ovenyera khalle kaari kihinooneyeke ookhumuwa vamiitthoni vaye.

Daniele 11:2

“Vano kineerewuulleella yawoona. O Persiya oneerokhalla mamwene mararu. Vatulli viwa oneerokhalla mwene aneesese, eeyuuma yinchichi waakhwaranya amodda attheene. Aneerokhallattho ni masiva ekaamba ya eyuumaayeeyo. Aneerewaavenyiha attheene wi ewane ni omwene wa Griki.