Ezara 4:4 - Mawu a Mulluku

⁴ Vano athu a mwiillaponimmo yahaakukhumulla mwiilli Ayuda ni owoopopiha wi ehiye omakattho.

Ezara 4:4 ပူးပေါင်းရင်းမြစ်များ

Ezara 3:3

Yaamakattho nikuwa vanipuroni viwa vakhalle naari yawoovaka athu yakhalla mwiillaponimmo. Nave yaavelleella mikutho ddooshellelliha wa Apwiya ohinase ni misikuwa.

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

Nehemiya 6:9

Vawi attheene yapaalla onoopopiha vooganizani wi Ayuda eneerohiya muttekooyo nave khovirellella. Koma vano Mulluku, llipihani mattaaka.

Nehemiya 4:11

Nave adanaahu yaallota wi, “Khedduwella apaalle woona ophiyera niphiyalle variyari viwa ni owiipha sika muttekooyo oneerewiimella.”

2 Samuele 4:1

Vano Ishibosheti mwaana a Saulo, iiwalleeye wi Abinere ohiiphiwa o Hebroni, aakhumuwa nave Aisraele attheene yahoova wunchichi.

Ezara 4:5

Nave yahinnya makobiri enduna ddimodda wi ddaakavihere waahiiha muttekooyo mu enthawi ya Kirusi mwene a o Persiya ophiyera enthawi ya Dariusi mwene a o Persiya.

Nehemiya 4:2

Nave aallota vamiitthoni va abalaaye ni vamiitthoni va mulloko wakhoto wa o Samariya wi, “Ethiyo Ayuda oohikhalla ni muttekwaalla eneeravo tini? Ethiyo enaganiza wi ttuumakattho muzindoolla? Ethiyo ttuuvelleellattho mikutho? Ethiyo ttuumalliha nllapo nimodda? Ethiyo ttuuvenyihattho malluku akhalle m'matepeni ayo eshille?”

Daniele 10:13

Mungelo muullupalli a omwene wa o Persiya aakiimesa va mallapo 21 koma Mikaele, mmodda mwa angelo uullupalli, aakikavihera vawi kaakhalla wenko ni mungelo a o Persiya.

Daniele 10:20

Olliye aakikoha wi, “Ethiyo woodduwella eyo kiweelleemi wa weyaano? Kinaambe ohokollowa wi kawane ekhoto ni mungelo muullupalli a o Persiya. Vatulli viwa kamugonjiha mungelo muullupalli a o Griki aneeroowa.