Ezara 4:20 - Mawu a Mulluku

²⁰ Nave mamwene amasiva yaakhalla elamulellaka mu Yerusalemu ni echigawo ettheene ya vakhopella wa muhinje yaakhellaka kasitomu, musonkho ni erive ello.

Ezara 4:20 ပူးပေါင်းရင်းမြစ်များ

1 Mamwene 4:21

Solomoni aanalamulella moomwene mattheene ovenyera o muhinje wa Yufurate ophiya o ellapo ya Afilisti, o malire a Iguputo. Moomwene mattheene yaanakhoma misonkho ni omurumeyella Solomoni mallapo mattheene a okumaaye.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

Masalimo 72:8

Aneerekolamulella ovenyera o enyanja emodda ophiya o enyanja emodda, ovenyerattho o muhinje ophiya o makomello wa ellapo yavatthi.

1 Epilli 18:3

O Hamati Davide aamugonjihattho Hadadezere, mwene a o Zoba, ayeeye omutundani wa muhinje wa Yufurate wi akeraatthihewo omwenaaye.

Ezara 7:24

Kinimuulleellanittho wi tti wohaakhullelliwa waakhomiha musonkho apaalle waallivelliha kasitomu allupa mukutho, Alevi, awiipa machipo, alonda a va millako dda enyumba ya Mulluku apaalle allupa mutteko amodda a o enyumba ya Mulluku.

Ezara 4:16

Vano ninapaalla nuulleelleni amwene wi muzindoolla wamakiwattho ni omallihiwa esiri ddiwa, nyuwaano khemukhallanattho olamulello o echigawo eyo eri vakhopella va muhinje.”

Ezara 4:13

Vano amwene edduwelle wi muzindoolla wamakiwattho ni esiri ddiwa ddamallihiwa khekhomaka musonkho naari ovelleella kasitomu apaalle okhoma musonkho wa erive ello nave yoophura ya amwene eneeroyevihiwa.

2 Epilli 17:11

Afilisti amodda yaawaana emphaso wa Yehoshafati ni siliva a musonkho. Nave Arabu yaawaanattho anankhoro a enkhosa 7,700 ni anankhoro a epuri 7,700.

2 Epilli 9:14

oohimweerengella oyo avenyera wa allupa malonda. Nave mamwene mattheene a o Arabiya ni enduna dda mwiillaponimmo yaanawa wa Solomoni ni golide ni siliva.

1 Epilli 19:19

Sika enduna dda Hadadezere ddoonille wi yoogonjihiwa ni Aisraele, yaakeraatthiha murendelle ni Davide yaamba omurumeyella. Sika Asiriya kheyaapaallattho waakavihera Aamoni.

1 Epilli 18:13

Vano aatthipella misasa ddakhoto mu Edomu virive veko mu ellapo ya Edomu nave Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

1 Epilli 18:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

1 Mamwene 4:24

Mwene Solomoni alamulella echigawo ettheene ya embali ya woovollowa nndduwa ya muhinje wa Yufurate ovenyera o Tifisa ophiya o Gaza nave echigawo ettheeneeyo yaari ya murendelle.

Mateyu 9:9

Yesu aavenyavo vanipuroni valle, vano eetaka, aamoona muthu, nnddina naye Mateyu, akeraatthille mu enyumba yookhomihella misonkho. Aamulleella wi, “Kithware.” Nave Mateyu aavenya anamuthwara.

Ezara 4:19

Nave kaalamula wi yaashaashiwe. Vano ddoheereya nave woophwanyeya wi muzinda yoolla waambeella khalle wookhalla waawukilaka mamwene navettho wi ddoowukila ni ddoovaanyiha ddookhalla ddeereyaka mwemmo.

Ezara 4:21

Sika mupange lamulo nowaahiiha athwaalla wi ehimakettho muzindooyo ophiyera miyaano kilamulalle.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

1 Mamwene 5:1

Mwene Hiramu a o Tiro ahaarumiha oomurumeyellaaye wa Solomoni iiwalleeye wi oozoziwa* omwene wa attiitthinnya vawi ahaattana ni Davide.

1 Mamwene 5:4

Koma vano Apwiya Mullukwaaka aakivaha murendelle o embali ddittheddene mwawi nginna mudani apaalle omorelliwa erive yookatamiha.

Ezekiele 19:11

Waakhalla ni nthimwa noollipa noophwanella opangella ekopo ddoomwene, waarekama okhwaranya ddoomella ddimodda, waanooneya phaama ekaamba ya orekama wiwa ni waata wiwa wa enthambi.