Ezara 4:12 - Mawu a Mulluku

¹² “Nyu amwene dduwellani wi Ayuda ayo yawiille wuno ovenyera wa nyuwaano ekelle o Yerusalemu. Enimamakattho muzinda woowukila ni woonanaroolle. Enimamalliha esiri ni matthipello a muzinda nave enimapotokosa matthipellwiiwa.

Ezara 4:12 ပူးပေါင်းရင်းမြစ်များ

Ezara 5:9

“Vano nahaakoha oohoollella wi, ‘Ethiyo ttaani uulamunleni wi mwaambeelle omakattho enyumbeelle ni omalliha esiri ddiwa?’

Ezara 5:3

Enthawi yeeyo Tatanai enduna ya echigawo ya vakhopella va muhinje, Shetari Bozenai ni akhwiiwa amodda yaawa wa alliwa yaakoha wi, “Ethiyo ttaani uulamunleni wi mwaambeelle omakattho enyumbeelle ni omalliha esiri ddiwa?”

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

1 Atesalonika 5:22

Nave muheereke erive yoonanara.

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Luka 13:34

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle.

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Yeremiya 52:3

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Nehemiya 1:3

Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Ezara 4:19

Nave kaalamula wi yaashaashiwe. Vano ddoheereya nave woophwanyeya wi muzinda yoolla waambeella khalle wookhalla waawukilaka mamwene navettho wi ddoowukila ni ddoovaanyiha ddookhalla ddeereyaka mwemmo.

Ezara 4:15

wi yaashaashe mu nibukhu na epilli ya makhollwaanyu. Nave muneerophwanyamo epilli nave muneerodduwella wi muzindoolla tti woowukila, woohoosa mamwene ni enduna dda ezigawo navettho wi athu a m'muzindanimmo tti oovaanyiha waambeella khalle. Sika ekaambiiwa muzindoolla watthattusiwiiwa ntepe.

2 Mamwene 24:1

Mu enthawi ya Yehoyakimu, Nebukadinezara mwene a o Babiloni aahella ekhoto ellapo ya Yuda nave Yehoyakimu aawatiheriwa omurumeyella wa miyakha miraru. Koma vatulli viwa aamuwukila Nebukadinezara.

2 Mamwene 18:20

Ethiyo onaganiza wi mawaawo ttuuphwanaphwana ni eruso ni masiva avakhotoni? Ethiyo vano onamuroromella aani voowukilani?

Ezara 4:11

Mawu a mu kalata yamurumihalliiwooyo yaari awi, “Wa mwene Aritakisereksesi, hiyaano oorumeyellaanyu a o echigawo ya vakhopella va muhinje ninuuvahani mooni.

Estere 3:8

Vano Hamani aamulleella mwene Ahasuwero wi, “Vookhalla nlloko nimodda na athu nno nimwareyelle mwiillaponi ettheeneella nave ninaphwanyeya mu erive echigawo eyo munalamulelleenyu. Malamulo a athu yaalla tti oohiyana ni malamulo a athu amodda attheene. Nave athu yaalla kheniiwellella malamulo a mwene, sika khe phaama wi mwene aahiyerere.

Daniele 3:8

Enthawi yeeyo Ababiloni amodda yaaphwanya mpata woonanariha epilli ya Ayuda.

Nehemiya 6:6

Mukalatanimmo mwalembiwe wi, “Wohiiweya variyari va mitundu ddimodda nave Geshemu annallotattho emoddamoddave yeeyo wi nyuwaano vamodda ni Ayuda munapaalla owukila. Sika ekaambiiwa munamakeenyu esiri dda mpanda nave wohiiweyattho wi munapaalla mukhalle mweniiwa.