Ezara 3:8 - Mawu a Mulluku

⁸ Vano m'muyakha waneepiilli ephiyalle onipuroni na enyumba ya Mulluku o Yerusalemu mu mweeri waneepiilli, Zerubabele mwaana a Shealatiele ni Yeshuwa mwaana a Yozadaki yahaamba mutteko vamodda ni abaliiwa amodda, allupa mukutho, Alevi ni athu attheene yawiille o Yerusalemu ovenyera wuukaporoni. Yahaatthoolla Alevi awaambeella miyakha 20 oya muhoollo wi ewehereke mutteko woomakattho enyumba ya Apwiya.

Ezara 3:8 ပူးပေါင်းရင်းမြစ်များ

Ezara 4:3

Koma Zerubabele, Yeshuwa ni amodda oohoollella mabanja a Israele yaawaakhulla wi, “Yaanyu khayiivo wi ttuumakellattho nimodda enyumba ya Mullukwaahu. Koma weekhiihu nineerewaamakellattho Apwiya Mulluku a Israele moollikana ni mmo Kirusi mwene a o Persiya aanilamulelleehu.”

1 Epilli 23:4

Nave Davide aallota wi, “Mwa athwaalla 24,000 enaakhalle oowehera mitteko dda mu enyumba ya Apwiya, 6,000 enaakhalle enduna ni aweeruza,

Numeri 4:3

Muweerenge allopwana a miyakha 30 ophiyera a miyakha 50, attheene ayo enaarumeyelleke va mutteko wa mu musasa wamutthukumano.

Ezara 3:2

Vano aavenya Yeshuwa mwaana a Yozadaki ni allupa mukutho akhwaaye ni Zerubabele mwaana a Shealatiele ni abalaaye yaamba omakattho nikuwa na Mulluku a Aisraele wi evelleellekevo mikutho ddooshellelliha moollikana ni mmo ddilembelliwiiwa mu malamulo a Mose, muthu a Mulluku.

Ezara 5:16

Vano Sheshibazara aawa amakattho matthipello a enyumba ya Mulluku mu Yerusalemu nave waambeella enthawi yeeyo ophiyera ollello enimamakiwave nave khenamallihiwe.

Zekariya 4:9

“Zerubabele aamaka matthipello a enyumba yeella ni mattaaye, aneeroyimalliha ni mattaaye yaayo. Vano muneerodduwella wi Apwiya Amasiva Mattheene sika ekirumalle.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

1 Epilli 3:17

Yekoniya ari wuukaporoni aamuyara Shealatiele,

Ezara 2:2

Yawiille nimodda ni oohoollella monga Zerubabele, Yeshuwa, Nehemiya, Seraya, Reelaya, Mordekai, Bilishani, Mishipara, Bigivai, Rehumu ni Baana.) Echiwerengero ya allopwana a Aisraele yaari,

Ezara 4:24

Vano mutteko wa enyumba ya Mulluku mu Yerusalemu wahiimella ophiyera muyakha waneepiilli wa olamulello wa Dariusi, mwene a o Persiya.

Ezara 5:2

Vano Zerubabele mwaana a Shealatiele ni Yeshuwa mwaana a Yozadaki yahaamba omakattho enyumba ya Mulluku mu Yerusalemu. Nave anamallotella a Mulluku yahaakavihera.

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Hagai 1:1

Va nllapo nawaamba na mweeri waneetthanu ni mmodda muyakha waneepiilli wa mwene Dariusi, mawu a Apwiya yaawa wa Zerubabele mwaana a Shealatiele, oolamulella a Ayuda navettho wa Yoswa mwaana a Yehozadaki, mullupa mukutho muullupalli, oweella mwa namallotella Hagai wi,