Ezara 3:5 - Mawu a Mulluku

⁵ Vatulli viwa, yaanavirellella ovelleella mikutho ddooshellelliha mwa enthawi ddittheddene ddoovelleella dda Ehakallallo ya Wooneya wa Mweeri ni dda mallapo mattheene a machellello a Apwiya yakeraatthihiwe navettho ddoovelleella dda arive muthu wa Apwiya mwa opaalla waye.

Ezara 3:5 ပူးပေါင်းရင်းမြစ်များ

Numeri 29:39

“Ddennddo sika munaavelleelleenyu wa Apwiya va mallapo ootthoolliwa a ehakallallo, woonjerera va ddoovelleella ddanyu nnddo mullupenlleenyu apaalle va ddoovelleella dda opaalla wanyu, mikutho ddanyu ddooshellelliha, dda othu, dda yoowirya ni dda eyaattano.”

Deuteronomo 12:17

Muhicheke m'mizi ddanyu yaneekhumi ya tirigwaanyu, ya vinywaanyu apaalle ya makhuraanyu a olivi. Wenkottho muhicheke erive ello eyo muvelleelleenyu wa Apwiya monga anamwani awaamba a eziweto ddanyu, ddoovelleella ddanyu ddoollupella, ddoovelleella dda opaalla wanyu apaalle emphaso ddanyu nnddo mulonjezilleenyu ovelleella wa Apwiya.

Deuteronomo 12:6

wi mwavelleelleke mikutho ddanyu ddooshellelliha, mikutho ddanyu ddimodda, ddoovelleella ddanyu ddaneekhumi, ddoovelleella dda opaalla wanyu, ddoovelleella ddoollupella, emphaso ddanyu ni ddoovelleella dda anamwani awaamba a eziweto.

Numeri 29:13

Nave muvelleelle mukutho wooshellelliha, wawoosiwa viikho, wa nthuko nawaaddivella Apwiya. Nave okhalleke wa anankhoro a asaanaang'ombe khumi ni raru, anankhoro a enkhosa eelli, anankhoro a asaanaankhosa khumi ni sese a muyakha mmodda, ddittheddene ddikhalle ddoohirakalla.

Numeri 29:8

Nave muvelleelle mukutho wooshellelliha, wa nthuko nawaaddivella Apwiya. Nave okhalleke wa anankhoro a asaanaang'ombe eelli, nankhoro a enkhosa emodda, anankhoro a asaanaankhosa atthanu ni eelli a muyakha mmodda, ddittheddene ddikhalle ddoohirakalla.

Numeri 29:2

Nave muvelleelle mukutho wooshellelliha, wa nthuko nawaaddivella Apwiya. Nave okhalleke wa anankhoro a asaanaang'ombe eelli, nankhoro a enkhosa emodda, anankhoro a asaanaankhosa atthanu ni eelli a muyakha mmodda, ddittheddene ddikhalle ddoohirakalla.

Numeri 28:27

Nave muvelleelleke mukutho wooshellelliha, wa nthuko nawaaddivella Apwiya. Nave okhalleke wa anankhoro a asaanaang'ombe eelli, nankhoro a enkhosa emodda ni asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Numeri 28:19

Koma muvelleelleke mukutho wawoosiwa viikho, mukutho wooshellelliha wa Apwiya. Nave okhalleke wa anankhoro a asaanaang'ombe eelli, nankhoro a enkhosa emodda ni asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Numeri 28:14

Mukutho wayoowirya ekhalleke vinyo ookwakhwana malita meelli va arive nankhoro a eng'ombe, vinyo ookwakhwana lita nimodda ni hafu va arive nankhoro a enkhosa ni vinyo ookwakhwana lita nimodda va arive mwaanaankhosa. Olla sika mukutho wooshellelliha wa orive wooneya wa mweeri vamuyakhani.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Ezara 3:6

Sika ovenyera vaavo yahaamba ovelleella mikutho ddooshellelliha wa Apwiya nllapo nawaamba na mweeri waneetthanu ni piilli. Koma matthipello a enyumba ya Apwiya yaari ehinamakiweve.

Yeremiya 33:18

Allupa mukutho Aalevi khewa eramiwa muthu oowa wa miyaano enthawi ddittheddene ovelleella mikutho ddooshellelliha, ddoocha ni ddimoddattho wa enthawi yoohimalla.”

Levitiko 1:2

allote ni Aisraele wi, “Arive muthu aawaaka wa Apwiya wi avelleelle mukutho, akuseke eng'ombe apaalle enkhosa apaalle epuri.

Levitiko 23:2

aalleelle Aisraele wi, “Mallapo a ehakallallo ootthoolliwa a Apwiya ayo munaawaallalleyeenyu wi ekhalle mallapo a mitthukumano ddoopatuleya, mallapo a ehakallallo ayo miyaano kaatthoonlleemi.

2 Epilli 31:14

Kore mwaana a Imina Mulevi, mulonda a va mullako wa wookhuma nndduwa sika awehera ddoovelleella ddoohiwatiheriwa wi addikaweke ddawaaphwanella Apwiya ni mikutho ddaweellesesa.

Nehemiya 10:34

Hiyaano athu shisha, allupa mukutho ni Alevi nineerewoombesattho wi niphwanye mabanja ayo enaaweena ekhuni o enyumba ya Mullukwaahu mu enthawi yookeraatthihiwa orive muyakha wi ddooselliweke mikutho dda va nikuwa na Apwiya Mullukwaahu moollikana ni nnddo ddilembiwe m'malamuloni.