Ezara 3:13 - Mawu a Mulluku

¹³ Sika wi athu kheyaaworille ohiyaniha okhuwa wa ehakallallo ni wa winlla wa athwaalle vawi yaakhuwa wunchichi nave okhuwanko wahiiweya wuuteete.

Ezara 3:13 ပူးပေါင်းရင်းမြစ်များ

1 Samuele 4:5

Nibokosi na echipangano na Apwiya naphiyalliiwa omisasani wulle, Aisraele yahaamba okhuwa moollipiha ophiyera ethaya yaatikheya.

Zekariya 4:7

Ethiyo we mwaango woorekama, wettho ttaani? Oneerotthattuwa nipuro noomwaramwareya vamiitthoni va Zerubabele. Nave yawaana nlluku noomalliha na va enyumbaaka, voonihiyani vaddullu, athu eneerokhuwa wi, ‘Oreera, oreera!’ ”

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Masalimo 5:11

Koma ehakallalleke attheene ayo enathawella wa nyuwaano, yiipeke moohakallalla enthawi ettheene. Mwaakhupaarelle, wi ookonda nnddina nanyu ehakallalle mwa nyuwaano

Nehemiya 12:43

Nave va nllapo nenno yaavelleella mikutho ddinchichi nave yaahakallalla wunchichi vawi Mulluku aaweeriha wi ehakallalle. Atthiyana ni anamwani yaahakallallattho nave ohakallalla wa athu a o Yerusalemu wahiiweya wuuteete.

1 Mamwene 1:45

Nave Zadoki ni namallotella Natani yaamuzoza omwene o Gihoni. Sika ovenyera wenko ekhanlle ehakallallaka mwawi m'muzindani mutthemwene mookhalla okhuwa.

1 Mamwene 1:40

Nave athu attheene yaatimulla enamuthwara yiipaka ezitoliro ni ohakallalla wunchichi mwawi ellapo yaatikheya ekaamba ya okhuwa.

Oweeruza 2:5

Nipuro nenno yaanavaha nnddina nawi Bokimu nave vaavo yaavelleella mukutho wa Apwiya.

Ezara 3:12

Koma anchichi a allupa mukutho, Alevi, oohoollella a mabanja navettho attekweene ayo yoonille enyumba wawaamba yahinlla mookhuwa yoonilliiwa matthipello a enyumba emakiwakattho naarive anchichi yakhuwaka moohakallalla.

Ezara 4:1

Vano adani a Yuda ni Benjamini yiiwalliiwa wi athu yawiillewo wuukaporonaalle ahaamba omakattho enyumba ya Apwiya Mulluku a Israele,

Yeremiya 50:4

Apwiya enallota wi, “Mallapo yaayo, enthawi yeeyo Aisraele ni Ayuda eneerotthukumana vamodda, eneeroowa yinllaka. Eneerewaashaasha ddoopaalla dda Apwiya Mullukwiiwa.