Ezara 3:10 - Mawu a Mulluku

¹⁰ Vano oomakattho enyumba yamakilliiwa matthipello a enyumba ya Apwiya, allupa mukutho yaaphiya yiipaka mapallapatiiwa ewarille ddoowara ddamukutho. Nave Alevi a mu nibanja na Asafu yaaphiya yiipaka misangwa mowaatitimiha Apwiya voothwarani malangizo a Davide mwene a Aisraele.

Ezara 3:10 ပူးပေါင်းရင်းမြစ်များ

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

2 Epilli 35:15

Athu awiipa machipo, anamwani a Asafu, yaari munipuroni mwiwa moollikana ni lamulo na Davide, Asafu, Hemani ni Yedutuni, oollohella a mwene. Vano alonda a va mullako yaari va orive mullako nave kheyaavenyillevo vamuttekoni viwa vawi abaliiwa, Alevi, yahaakhozella mikutho.

1 Epilli 23:5

4,000 enaakhalle alonda avamullakoni nave 4,000 enaakhalle owaallapella Apwiya voopharihani mutteko ezida ddawiipella nnddo kiddipangilleemi.”

1 Epilli 16:42

Hemani ni Yedutuni yahoollella wiipa misangwa, mapallapata ni ezida ddimodda navettho ezida ddimodda ddawiipella machipo oollapella. Anamwani a Yedutuni yaahiyalle wi ekhalle alonda a va mullako.

1 Epilli 16:37

Sika mwene Davide aamuhiya Asafu ni abalaaye nko waari nibokosi na echipangano na Apwiya wi erumeyelleke enthawi ddittheddene wonanko mmo wapaalleya nirive nllapo.

1 Epilli 15:27

Nave Davide aari awarille mukanjo wabafuta wonanko mmo yawarelle Alevi ayo yatukhulla nibokosi na echipangano navettho athu awiipa machipo woonjereravo Kenaniya oohoollella machipo. Sika Davide aawarattho Efodi.

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

1 Samuele 22:18

Vano mwene aamulleella Doegi wi, “Khawe wawiiphe allupa mukutho.” Doegi a o Edomoolle aawiipha allupa mukuthwaayo. Athu yiiphiwaayo yaari 85 ayo yawara ekuwo ddabafuta ddookhalla ni efodi.*

Ezara 5:16

Vano Sheshibazara aawa amakattho matthipello a enyumba ya Mulluku mu Yerusalemu nave waambeella enthawi yeeyo ophiyera ollello enimamakiwave nave khenamallihiwe.

Masalimo 150:5

Mutitimiheni ni eziwaya dda malipenga, mutitimiheni ni eziwaya dda malipenga ddawinllesesa.

Hagai 2:15

“Vano ganizerani nnddo ddeereya ehinaambe omakattho enyumba ya Apwiya.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Zekariya 4:7

Ethiyo we mwaango woorekama, wettho ttaani? Oneerotthattuwa nipuro noomwaramwareya vamiitthoni va Zerubabele. Nave yawaana nlluku noomalliha na va enyumbaaka, voonihiyani vaddullu, athu eneerokhuwa wi, ‘Oreera, oreera!’ ”

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

1 Epilli 25:25

Wa 18 wammorenlle Hanani, anaaye ni abalaaye, attheene vamodda yaari khumi ni eelli.

2 Epilli 5:12

Nave Alevi attheene awiipa machipo monga Asafu, Hemani ni Yedutuni, aniiwa ni abaliiwa oowara ekuwo ddabafuta aphaama eri ni misangwa, azeze ni magitala, yahiimella o embali ya wookhuma nndduwa wa nikuwa ni allupa mukutho 120 ayo yiipa mapallapata.

2 Epilli 35:14

Vatulli viwa yaakhoza ddayiwa ni dda allupa mukutho ekaamba yawi allupa mukutho, edduullu dda Aroni yaari yaatelliwe ni ovelleella mikutho ddooshellelliha ni makhura ophiyera mahiiyu. Sika Alevi yakhoza ddayiwa navettho dda allupa mukutho.

Ezara 2:41

Awiipa machipo, edduullu dda Asafu yaari 128.