Ezara 2:1 - Mawu a Mulluku

¹ Nna tti ntthopoollo na manddina a athu a mu echigawo ya Yuda ayo yahokollowille wuukaporoni ayo Nebukadinezara, mwene a o Babiloni aapharilleeye ayaana o Babiloni. (Athwaayo yaahokollweella o Yerusalemu ni o Yuda, arive muthu o ntepe naye.

Ezara 2:1 ပူးပေါင်းရင်းမြစ်များ

2 Mamwene 25:11

Voomallihella Nebuzaradani, oohoollella a alonda akhoto ahaapharella wuukaporoni o Babiloni athu oohalla m'muzindani ni ayo yiivelleelle wa olliye.

Mitteko 23:34

Oolamulellooyo aamweerenga kalatooyo nave aamukoha Paulo echigawo avenyenreeye. Aphwanyilleeye wi anavenyera o Silisiya,

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.

Maliro 4:22

Nyu anamwani aatthiyana, Ziyoni, ollakiwa wa machimwaanyu woomalla, Apwiya kheyoonjerera okaporwaanyu. Koma nyu athu a o Edomu, Apwiya eneerewuullakani ekaamba ya machimwaanyu, eneerewoonihella vaweella ddoonanara ddanyu.

Maliro 1:5

Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

Maliro 1:3

Athu a o Yuda aaya wuukaporoni woohoosiwa wi yaphare mutteko woovoriiha mwiilli. Enakhalla mu ellapo dda athu a mitundu ddimodda, khenna nipuro nowiithuwellavo. Attheene oowiikariha ennaaphwanya, vawi aapaneya wunchichi.

Estere 8:9

Sika mwene aawiithaniha alembi va mweeri waneeraru wa Sivani, va nllapo na 23. Vano alembaayo yaalemba lamulo moollikana ni mmo Mordekai alamulalleeye voollotani dda Ayuda. Yaalembella wa enduna, attekweene ni allupa mutteko attheene a mu ezigawo ddittheddene 127 ovenyera o Indiya ophiya o Kushi. Erive echigawo yaalembelliwa kalata moollikana ni mmo enalembelliiwa navettho wa nirive nlloko mu ellotellwiiwa navettho wa Ayuda moollikana ni mmo enalembelliwa ni enallotelliiwa.

Estere 1:11

Nave ahaalamula wi eweena mwaaramwene Vasiti vamiitthoni vaye awarille enduwira yoomwene vawi Vasiti aari mutthiyana ooreera wunchichi. Sikathi mwene apaalla wi enduna ni alleto attheene eddoonelle oreera wa mwaaramwenooyo.

Estere 1:8

Owiryanko weereya moollikana ni lamulo nawi mwene ahaalamula allupa mutteko a o enyumbaaye wi arive muthu awirye ddoowiryannddo moopaalla mwaye.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

Estere 1:1

Nndda sika ddeereyille enthawi ya mwene Ahasuwero. Ahasuwero aanalamulella ezigawo 127 ovenyera o Indiya ophiya o Kushi.

Ezara 6:2

Vano o Ekibatana muzinda muullupalli oyo ori mu echigawo ya Mediya waaphwanyeya nibukhu mmo mwalembiwe mawu awi, “Yawuupusella.

Ezara 5:8

“Nyu amwene, dduwellani wi naaya o echigawo ya Yuda, o enyumba ya Mulluku muullupalli. Enimamakiwattho ni malluku muullupalli nave matabwa enimatthattiwa musirini mwiwa. Muttekoolla ennawuphara mwawaakuva nave onnaweetella phaama.”

Ezara 1:11

Eziwiya ddagolide ni ddasiliva vamodda ddittheddene ddaakwakhwana 5,469. Ddittheddenenndda tti nnddo Sheshibazara awiilleeyena a okaporonaalle yahokollweelliiwa o Yerusalemu ovenyera o Babiloni.

Ezara 2:2

Yawiille nimodda ni oohoollella monga Zerubabele, Yeshuwa, Nehemiya, Seraya, Reelaya, Mordekai, Bilishani, Mishipara, Bigivai, Rehumu ni Baana.) Echiwerengero ya allopwana a Aisraele yaari,

Ezara 8:35

Enthawi yeeyo ayo yahokollowille wuukaporoni yaavelleella mikutho ddooshellelliha wa Mulluku a Israele. Yahaavelleellella Aisraele attheene anankhoro a eng'ombe khumi ni eelli navettho anankhoro a enkhosa 96, asaana a enkhosa 77 ni anankhoro a epuri khumi ni eelli wonanko mukutho woopepesella machimo. Ddittheddenenndda waari mikutho ddooshellelliha ddoovelleelliwa wa Apwiya.

Nehemiya 12:1

Nna sika ntthopoollo na allupa mukutho ni Alevi ayo yawiillewo wuukaporoni nimodda ni Zerubabele mwaana a Sealatiele navettho ni Yeshuwa. Allupa mukutho yaari Seraya, Yeremiya, Ezara,

1 Epilli 9:1

Vano Aisraele attheene yaalembana mu nibukhu na epilli ya mamwene a o Israele voothwarani mibado ddiwa. Athu a o Yuda yaaphariwa okaporo oya o Babiloni ekaamba yawi yaari oohiroromelleya.

1 Epilli 9:2

Aisraele awaamba oohokollweella mwiillaponi mwiwa ni m'mizindani mwiwa yaari athu shisha a Israele, allupa mukutho, Alevi ni allupa mutteko a o enyumba ya Apwiya.

Ezara 2:70

Allupa mukutho, Alevi, athu awiipa machipo, alonda ni allupa mutteko a o enyumba ya Apwiya ni Aisraele attheene yaahokollweella m'matepeni mwiwa.

Yesaya 48:20

Khumani mu ellapo ya Babiloni, thawani mu ellapo ya Akaldeya. Mullalleye ni okhuwa wunchichi ophiya o makomello a ellapo yavatthi, voollotani wi, “Apwiya ennamoopolla Yakobo, oorumeyelliiwa.”

Yeremiya 50:19

Kineeromuhokollosella Israele obusani waye nave anaachelleke o Karimele ni o Bashani. Aneerekovona o miyaango dda o Efuremu ni o Giliyadi.