Ezara 10:6 - Mawu a Mulluku

⁶ Vano Ezara aavenyawo o enyumba ya Mulluku nave aaya o echipinda ya Yehohanani mwaana a Eliyashibu nko akonneeyewo mahiiyu mamodda oohimucha buledi apaalle owirya maaddi vawi aaminlla ekaamba ya ohiroromelleya wa ayo yahokollowille wuukaporoni.

Ezara 10:6 ပူးပေါင်းရင်းမြစ်များ

Deuteronomo 9:18

Vano mallapo mamoddattho 40, otthaana ni mahiiyu, kaakokhora vamiitthoni va Apwiya nave kaavekella. Ngaachille apaalle owirya erive ello kaambiiwa mwaheera ddoonanara vamiitthoni va Apwiya vaweerani ddoonanara nave ddahaashiha murima.

Nehemiya 12:22

Ollota dda Alevi, va enthawi ya Eliyashibu, Yoyada, Yohanani ni Yaduwa waalembiwa manddina a oohoollella a mabanja a Alevi ni a allupa mukutho ophiyera enthawi ya mwene Dariusi a o Peresiya.

Nehemiya 3:1

Vano Eliyashibu mullupa mukutho muullupalli ni allupa mukutho akhwaaye yahaamba omakattho mullako wa Enkhosa. Yaawupatula nave yaapangellavo machiwiiwa. Yaayimakattho esiri eyipatula ophiya o nttattha na Handredi eya yaphiya o nttattha na Hananele.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yobu 23:12

Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

Nehemiya 13:28

Nave mmodda a anamwani aallopwana a Yoyada, mwaana a Eliyashibu mullupa mukutho muullupalli aari mukamwene a Sanibalati Muhoroni. Sika ekaambiiwa kamwiikarilleemi wi avenyewo o Yerusalemu.

Nehemiya 13:5

aamukhozera Tobiya echipinda yuullupalli mmo vawaamba yasungalliiwamo mikutho dda othu, lubani,* eziwiya, ddoovelleella dda allupa mukutho navettho ddaneekhumi dda ddoocha, dda vinyo ni dda makhura nnddo ddalamuliwe wi evahiwe Alevi, athu awiipa machipo ni alonda a millako o enyumba ya Mulluku.

Nehemiya 12:10

Yeshuwa aamuyara Yoyakimu, Yoyakimu aamuyara Eliyashibu, Eliyashibu aamuyara Yoyada,

Nehemiya 3:20

Vano esiri yawaatamana ni ya Ezere yamakiwettho ni Baruki mwaana a Zabai waambeella va Ekona ophiyera va mullako wa enyumba ya Eliyashibu mullupa mukutho muullupalli.

Ezara 10:1

Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Ezara 9:4

Vano attheene yatthukumella ni mawu a Mulluku a Israele ekaamba ya ohiroromelleya wa athu oohokollowa wuukaporonaalle, yaatthukumana mookaapheella miyaano kikeraatthille mootathilla murima ophiyera enthawi ya mukutho wa misikuwa.

Eksodo 34:28

Sika Mose aakhalla ni Apwiya wenko mallapo 40, otthaana ni mahiiyu ohicha apaalle owirya erive ello. Nave aalemba vamallukunaalle mawu mattheene a echipangano, sika malamulo khumi.

Ezara 10:7

Nave othenga waarumihiwa o Yuda ni o Yerusalemu otthewene wi athu attheene yahokollowille wuukaporoni etthukumane o Yerusalemu

Masalimo 102:4

Murimaaka wootulliwa wonanko manasi nave woonyaalla wawi kinnatiwalla ocha yoochaaka.