Ezara 10:3 - Mawu a Mulluku

³ Vano hankoni nikeraatthihe echipangano Mullukwaahu wi nimwallanena atthiyanaalla vamodda ni aniiwa moollikana ni malangizo a nyu apwiyaaka ni a athu ayo eniiwellella malamulo a Mullukwaahu. Nave akhullellani wi ddenndda ddeereye moollikana ni malamulo.

Ezara 10:3 ပူးပေါင်းရင်းမြစ်များ

Ezara 9:4

Vano attheene yatthukumella ni mawu a Mulluku a Israele ekaamba ya ohiroromelleya wa athu oohokollowa wuukaporonaalle, yaatthukumana mookaapheella miyaano kikeraatthille mootathilla murima ophiyera enthawi ya mukutho wa misikuwa.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Masalimo 119:59

Kaaganizellaka ettilla ddaka, kinnarukunuwa wi kithware malamulwaanyu.

Nehemiya 9:38

“Ekaamba ya ddittheddenenndda, ninapaalla neere echipangano yoosimikizeya moolemba nave oohoollellaahu, Alevaahu ni allupa mukuthwaahu aadinda echidindo.”

2 Epilli 34:21

“Khaweni mwaakohe Apwiya munipuroni mwaka ni mwa athu oohalla o Israele ni o Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

Deuteronomo 29:12

Muri mva ollello wi mullupelle ni ekeraatthiha echipangano eyo Apwiya Mullukwaanyu enakeraatthihiiwa ni nyuwaano.

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Nehemiya 8:14

Vano yahoonattho wi Apwiya yahaalamula Aisraele oweella mwa Mose wi ekhalleke m'misasani ddootiyerella enthawi ya Ehakallallo ya Misasa mweeri waneetthanu ni piilli,

Ezara 10:44

Attheenaalla yaatthenlle atthiyana eelleto nave yahaavelleella owaniwa vamodda ni aniiwa.

2 Epilli 34:27

vawi murimaawo woolapa nave wohiiyeviha vamiitthoni va Mulluku, wiiwalleewe mawaaye oohumullulla nipuronna ni athwiiwa enakhallamo nave wohiiyeviha, wohaahulla ddoowara ddawo, wohinlla vamiitthoni vaka, sika kohiiwa ovekella wawo. Mi Apwiya koollota.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

2 Epilli 29:10

Vano kooganiza ddookeraatthiha echipangano ni Apwiya Mulluku a Israele wi osha murima wiwa ovenyevo va hi.

2 Mamwene 11:17

Yehoyada aakeraatthiha echipangano variyari va Apwiya ni mwene ni athu wi alliwa ekhalle athu a Apwiya. Aakeraatthihattho echipangano variyari va athu ni mwene.

Yoswa 9:6

Vano yaaya omisasani o Giligala emulleella Yoswa ni Aisraele attheene wi, “Hi nivenyenre o ellapo yawuuteete nave ninapaalla nipangane ni nyuwaano.”

Ezara 10:9

Sika athu attheene a Yuda ni Benjamini yaatthukumana o Yerusalemu variyari va mallapo mararu nave vaari va nllapo na 20 na mweeri waneetthanu ni sese. Nave athu attheene yaakeraatthi va nthato na enyumba ya Mulluku etthukumellaka ekaamba ya mwahoolla navettho ekaamba ya murimu munchichi.

Ezara 10:11

Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

Nehemiya 10:1

Ayo yadindalle yaari enduna Nehemiya mwaana a Hakaliya ni Zedekiya.