Ezara 10:11 - Mawu a Mulluku

¹¹ Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

Ezara 10:11 ပူးပေါင်းရင်းမြစ်များ

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Ezara 10:3

Vano hankoni nikeraatthihe echipangano Mullukwaahu wi nimwallanena atthiyanaalla vamodda ni aniiwa moollikana ni malangizo a nyu apwiyaaka ni a athu ayo eniiwellella malamulo a Mullukwaahu. Nave akhullellani wi ddenndda ddeereye moollikana ni malamulo.

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yesaya 56:4

Vawi Apwiya enallota wi, “Oohulliwa ayo enavaha olemu masabata ayo eneera ddookiddivella miyaano ni osunga echipanganwaaka moororomelleya,

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Nehemiya 13:3

Vano athwaayo yiiwalliiwa lamulonna, yahaavenyihavo alleto attheene va mutthukumanwiiwa.

Ezara 9:1

Vano ddittheddenenndda ddeereyille, oohoollella amodda yaawa wa miyaano ellota wi, “Aisraele, allupa mukutho ni Alevi kheyiipatulalle wa athu a mwiillaponimmo ni ddoolakwa ddiwa ovenyera wa Akanani, Ahiti, Aperezi, Ayebusi, Aamoni, Amowabu, Aiguputo ni Aamori.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Yohane 9:24

Vano yaamwiithana wiilli muthoolle khalle aari oohoona ellota wi, “Llupella vamiitthoni va Mulluku, ninnadduwella wi muthu uuchirihalloolla tti oochimwa.”

2 Epilli 30:22

Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

Ezara 10:10

Nave Ezara mullupa mukutho aavenya allota wi, “Mookhalla oohiroromelleya vawi mohaatthella atthiyana eelleto mwawi mohaanjerera machimo a Aisraele.

Ezara 10:12

Vano mullokoolle wahaakhulla mookhuwa wi, “Nineereweera moollikana ni mmo mullotilleenyu.

Yeremiya 7:3

Apwiya Amasiva Mattheene Mulluku a Israele enuulleellani wi, ‘Musinthe makhallellwaanyu ni ddaweera ddanyu nave kineerowaakhullellani ovirellella okhalla vanipuroninna.

Ezekiele 18:30

“Sika vano mi Apwiya Mulluku kinallota wi, arive muthu mwa nyuwaano Aisraele kineeromweeruza moollikana ni mitteko ddaye. Rukunuwani murima, hiyani ddoonanara ddanyu wi machimwaanyu ehiwoonongeni.