Ezara 10:1 - Mawu a Mulluku

¹ Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Ezara 10:1 ပူးပေါင်းရင်းမြစ်များ

Daniele 9:20

Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Masalimo 119:136

Miitthwaaka ennetellella miitthori wonanko muhinje, kaambiiwa athu khenathwara malamulwaanyu.

Aroma 9:2

kaallotaka wi kookhalla ni ethakaraka ddinchichi, ovoreya wa m'murimani mwaka enthawi ddittheddene

1 Mamwene 8:30

Iwani nivekello na oorumeyellaanyu ni na athwaanyu Aisraele yaavekellaka va nipuro nenna. Ddawoona, mwiiwe oddullunko munakhalleenyu nave mwiiwa mukhululuke.

Luka 19:41

Aatamenlleeye o Yerusalemu nave awoonilleeye muzindooyo, aawinllella

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Nehemiya 10:28

Athu amoddaayo, allupa mukutho, Alevi, alonda a millako dda enyumba ya Mulluku, mullupa mutteko a o enyumba ya Mulluku, athu awiipa machipo ni athu attheene a mitundu a mitundu ddimodda ayo yamullapella Mulluku vamodda ni awariwa, aniiwa aallopwana ni aatthiyana ayo enawora wiiwesesa phaama,

2 Epilli 20:9

‘Otulli woonimorella, nsupada, echiweruzo, mullilli apaalle ettalla, nineerewiimella va enyumbaanyu vawi nnddina nanyu niri vaava. Vano nineerokhuwella wa nyu ekaamba ya ddookatamiha ddahu, muneerewiiwa nave muneeronivullusa.’

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

Mitteko 21:5

Nave mallapwaahwaalle yamanlliiwa, naatimulla voolendonaahu. Attheene vamodda ni awariwa owaaka aniiwa, yaanivelleella okhuma m'muzindani mulle eniphiyiha mukhwipi mwa enyanja, wenko naakokhora attheene nave nivekella.

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka

2 Epilli 20:13

Enthawi yeeyo athu a o Yuda yahiimella vamiitthoni va Apwiya vamodda ni awariwa, aniiwa ni ang'onong'onweene.

Deuteronomo 31:12

Mwaatthukumanihe attheene allopwana, atthiyana, anamwani ni alleto ookhalla variyari vanyu wi arive muthu addiiwelle yeekha nave ahuddere owoova Apwiya Mullukwaanyu ni wiiwellella mawiiwa moororomelleya.

Mateyu 3:6

Yaalapa machimwiiwa nave ahaabatiza athwaayo mu Yordani.

Ezara 10:6

Vano Ezara aavenyawo o enyumba ya Mulluku nave aaya o echipinda ya Yehohanani mwaana a Eliyashibu nko akonneeyewo mahiiyu mamodda oohimucha buledi apaalle owirya maaddi vawi aaminlla ekaamba ya ohiroromelleya wa ayo yahokollowille wuukaporoni.

Nehemiya 1:4

Kiiwalleemi mawu yaalla, kaakeraatthi kininlla. Kahinlla nave kaahalla ocha* wa mallapo manchichi nave kaavekella wa Mulluku ooddullu.

Nehemiya 1:6

Apellani maaru nave khunuullani miittho wi mwiiwe ovekella wa oorumeyellaanyu nko kinavekelleemi vamiitthoni vanyu otthaana ni mahiiyu waavekellella Aisraele oorumeyellaanyu, owulula machimwiiwa ayo nichimwalleehu vamiitthoni vanyu. Ddawoona, miyaano ni nibanja na makhollwaaka nohuuchimwellani.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Yoswa 8:35

Yoswa aheerenga nirive lamulo na Mose wa Aisraele attheene ayo yatthukumanne. Atthiyana ni anamwani ni alleto ayo yaari variyari viwa yaari vaavo.