Ezara 1:6 - Mawu a Mulluku

⁶ Nave athu attheene yawaaphenlle yahaakavihera vawaavahani eziwiya ddasiliva, golide, katundu, eziweto navettho emphaso ddoowallamella mutengo.

Ezara 1:6 ပူးပေါင်းရင်းမြစ်များ

2 Akorinto 9:7

Vano munaphwanella muvelleelleke eyo muganizalleenyu m'murimani mwanyu, moohikhupanya apaalle moowatiheriwa vawi Mulluku anakonda oyo anavelleella moohakallalla.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Ezara 8:33

Va nllapo naneesese, mu enyumba mwa Mullukwaahu mwemmo, siliva, golide ni eziwiyanndde ddaalingiwa nave ddaavelleelliwa m'mattani mwa Meremoti mullupa mukutho mwaana a Uriya. Nave vamodda ni olliye vaari Eleazara mwaana a Finehasi ni Alevi monga Yozabadi mwaana a Yeshuwa ni Nowadiya mwaana a Binuyi.

Ezara 1:4

Sika Aisraele oohalla ni okumi orive weko enakhalliiwa ekaviheriwe ni aneetthi a ellapweeyo. Yaavahe siliva, golide, katundu, eziweto ddoovelleella dda opaalla wiwa ddoomakellattho enyumba ya Mulluku o Yerusalemu.”

Nehemiya 6:9

Vawi attheene yapaalla onoopopiha vooganizani wi Ayuda eneerohiya muttekooyo nave khovirellella. Koma vano Mulluku, llipihani mattaaka.

Yesaya 35:3

Mullipihe matta oofooka, mwaavahe masiva makuttha oovelleveddeya.

Eksodo 12:35

Navettho Aisraele yaari yeerille moollikana ni mmo Mose aalleellelleeye. Yaaveka wa Aiguputwaayo ddawiireerihana mwiilli ddasiliva ni ddagolide navettho ddoowara.

Eksodo 12:36

Apwiya yaaweeriha Aiguputwaalle wi ekhalle ooreera murima wa Aisraele wi yaavahe Aisraelaayo ddittheddene nnddo yavekilliiwa. Sika Aisraelaayo yahaakhawo eyuuma ya Aiguputwaalle.

1 Epilli 29:9

Vano athu yaahakallalla kaambiiwa yaavelleella wa Apwiya mwa opaalla wiwa ni murimiiwa muttheene. Nave mwene Davide aahakallallattho wunchichi.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.