Ezara 1:4 - Mawu a Mulluku

⁴ Sika Aisraele oohalla ni okumi orive weko enakhalliiwa ekaviheriwe ni aneetthi a ellapweeyo. Yaavahe siliva, golide, katundu, eziweto ddoovelleella dda opaalla wiwa ddoomakellattho enyumba ya Mulluku o Yerusalemu.”

Ezara 1:4 ပူးပေါင်းရင်းမြစ်များ

1 Epilli 29:3

Waanjerera va ddittheddene kivelleelleemi va enyumbeella, kookhallanattho eyuuma yaakayaaka ya golide ni siliva nave ekaamba ya wiivelleella waka va enyumba ya Mullukwaaka kinavelleellattho eyuumeeyo o enyumbeeyo.

Agalatiya 6:2

Mukaviheraneke oreya ddookatamiha dda mmodda ni mukhwaaye nave mu ettilla yeella muneerewooniha wi munnamwiiwellella Khrisitu.

Mitteko 24:17

“Kavenyilleemi o Yerusalemu kaahokollowa vimanlle miyakha ddinchichi nave kaawaana wa athu a mutundwaaka makobiri ovenyera wa ookhulupilila amodda nave wi kiheraatthi mukutho.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

1 Epilli 29:9

Vano athu yaahakallalla kaambiiwa yaavelleella wa Apwiya mwa opaalla wiwa ni murimiiwa muttheene. Nave mwene Davide aahakallallattho wunchichi.

Eksodo 35:29

Sika Aisraele attheene, allopwana ni atthiyana, ayo yavelleella mwa opaalla wiwa o mutteko oyo Apwiya yalamulalliiwa oweella mwa Mose, yaawa ni ddoovelleella ddiwa wa Apwiya.

Ezara 1:3

Sika nyu attheene muri ayiwayiwa Mullukwaanyu akhalle ni nyuwaano. Nave muye o Yerusalemu a o Yuda wi mwamakettho enyumba ya Apwiya Mulluku a Israele, Mulluku oyo ari mu Yerusalemu.

Ezara 1:5

Vano oohoollella a mabanja a nlloko na Yuda ni Benjamini owaakattho allupa mukutho ni Alevi, arive muthu oyo Mulluku aamuvahilleeye maganizo aakhozeka aya woomakattho enyumba ya Apwiya o Yerusalemu.

2 Epilli 31:14

Kore mwaana a Imina Mulevi, mulonda a va mullako wa wookhuma nndduwa sika awehera ddoovelleella ddoohiwatiheriwa wi addikaweke ddawaaphwanella Apwiya ni mikutho ddaweellesesa.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Yesaya 10:21

Oohalla eneerohokollowa, oohalla a mu nibanja na Yakobo, eneerohokollweella wa Mulluku Amasiva.