Ezara 1:3 - Mawu a Mulluku

³ Sika nyu attheene muri ayiwayiwa Mullukwaanyu akhalle ni nyuwaano. Nave muye o Yerusalemu a o Yuda wi mwamakettho enyumba ya Apwiya Mulluku a Israele, Mulluku oyo ari mu Yerusalemu.

Ezara 1:3 ပူးပေါင်းရင်းမြစ်များ

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yesaya 45:5

Mi sika Apwiya, khaavottho mmodda, opatula mi khaavottho mulluku mmodda. Kineerewuuvaha masiva naari ohikidduwellaka.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Deuteronomo 32:31

Vawi naari adaniiwa ennadduwellattho wi milluku ddiwa kheddinallikana ni Mulluku a Israele.

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Masalimo 83:18

Edduwelle wi nyeeneve, nnddina nanyu tti Apwiya Amasiva Mattheene oolamulella ellapo yavatthi ettheene.

1 Epilli 28:20

Vano Davide aallota wa Solomoni mwanaye wi, “Llipa murima nave phara muttekooyo. Ohoove nave ohitathille murima vawi Apwiya Mulluku oyo tti Mullukwaaka ari ni weyaano. Kheyuukukureyiha navettho kheyuuhiya weekha ophiyera mutteko muttheene woomaka enyumbiiwa omanlle.”

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

Ezara 1:4

Sika Aisraele oohalla ni okumi orive weko enakhalliiwa ekaviheriwe ni aneetthi a ellapweeyo. Yaavahe siliva, golide, katundu, eziweto ddoovelleella dda opaalla wiwa ddoomakellattho enyumba ya Mulluku o Yerusalemu.”

Ezara 5:3

Enthawi yeeyo Tatanai enduna ya echigawo ya vakhopella va muhinje, Shetari Bozenai ni akhwiiwa amodda yaawa wa alliwa yaakoha wi, “Ethiyo ttaani uulamunleni wi mwaambeelle omakattho enyumbeelle ni omalliha esiri ddiwa?”

Yesaya 37:16

“Nyu Apwiya Amasiva Mattheene, Mulluku a Israele, munakhalla vampandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Ezara 4:3

Koma Zerubabele, Yeshuwa ni amodda oohoollella mabanja a Israele yaawaakhulla wi, “Yaanyu khayiivo wi ttuumakellattho nimodda enyumba ya Mullukwaahu. Koma weekhiihu nineerewaamakellattho Apwiya Mulluku a Israele moollikana ni mmo Kirusi mwene a o Persiya aanilamulelleehu.”

Ezara 5:13

Koma mu muyakha wawaamba wa omwene wa Kirusi a o Babiloni aalamula wi enyumbeella emakiwettho.

Ezara 6:7

Nave wuhiyeni mutteko woomakattho enyumba ya Mulluku ovirellelle. Yihiyeni enduna ya Ayuda ni oohoollella a Ayuda emakettho enyumba ya Mulluku vantepeni viwa.

Masalimo 132:13

Apwiya aamutthoolla Ziyoni, enapaallesesa wi akhalle nipuro niwa nookhallamo.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”