Ezara 1:2 - Mawu a Mulluku

² “Nndda sika mwene Kirusi a o Persiya analloteeye wi Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda.

Ezara 1:2 ပူးပေါင်းရင်းမြစ်များ

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 4:32

Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Yeremiya 10:11

Athwaayo mwaalleelle wi milluku nnddo ddahiphatusalle ellapo yooddullu ni yavatthi ddineerotthollowa va ellapo yavatthi ni vatthi va eddullu.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

2 Epilli 2:12

Etitimihiwe Apwiya Mulluku a Israele ayo yaphatusalle oddullu ni ellapo yavatthi, ayo yamuvahille mwene Davide mwaana eezeru, oodduwella ni awiiwesesa phaama ddeko awi amake enyumba ya Apwiya ni wiimakella yeekha enyumba yoomwene

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

Ezara 1:5

Vano oohoollella a mabanja a nlloko na Yuda ni Benjamini owaakattho allupa mukutho ni Alevi, arive muthu oyo Mulluku aamuvahilleeye maganizo aakhozeka aya woomakattho enyumba ya Apwiya o Yerusalemu.

Ezara 3:7

Athu yaavelleella makobiri wa athu eeruso yoosema malluku ni oopala matabwa. Yaarumiha ddoocha, ddoowirya ni makhura wa Asidoni ni Atiro wi eweena miteekho ddamukunguza ovenyera o Lebanoni oyaana o enyanja, o Yopa moollikana ni waakhullelliwa wiwa ni Kirusi mwene a o Persiya.

Ezara 4:3

Koma Zerubabele, Yeshuwa ni amodda oohoollella mabanja a Israele yaawaakhulla wi, “Yaanyu khayiivo wi ttuumakellattho nimodda enyumba ya Mullukwaahu. Koma weekhiihu nineerewaamakellattho Apwiya Mulluku a Israele moollikana ni mmo Kirusi mwene a o Persiya aanilamulelleehu.”

Masalimo 136:26

Muthokozeni Mulluku ooddullu, echikondiiwa yoohisintheya tti ya enthawi yoohimalla.

Yesaya 41:2

Ethiyo ttaani amuwiillena oogonjihoolle oovenyera wookhuma nndduwa, olle opambana orive weko anayeeyewo. Ethiyo ttaani anamukavihera wi aapambaneke athu a mitundu ddimodda ni waagonjiha mamwene? Nsupada naye ninnatthattusa athu okhalla nthupi, muuraaye onnaamwara wonanko mallulla.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yesaya 45:1

Apwiya enallota ni oozoziwiiwa* Kirusi oyo yamphareelliwa onnattanatta wi agonjihe mitundu ddimodda dda athu, aamallihe masiva mamwene ni ohulla machiwi wi millako ddihiwalleye wi,

Daniele 6:25

Vano Dariusi ahaalembella athu a ellapo ddittheddene, mitundu ddittheddene ni ellotello ddoohiyanahiyana va ellapo yavatthi ettheene allota wi, “Murendelle waate variyari vanyu!

Yona 1:9

Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Ezara 5:15

Nave aallota ni olliye wi, ‘Kusa eziwiyanndda waddihiye mu enyumba ya Mulluku mu Yerusalemu nave wayimakettho vantepeni viwa.’

Ezara 6:3

Mu muyakha wawaamba wa omwene wa Kirusi, aapanga lamulo nootthopoolla dda enyumba ya Mulluku o Yerusalemu. Nave aalamula wi enyumbeeyo emakiwettho wi nikhalle nipuro noovelleellawo mikutho ddooshellelliha ni mikutho ddimodda nave matthipellwiiwa emakiwettho vantepeni viwa. Wunnuwa wiwa onaakhalle mamita 27 oya muddullu navettho mamita 27 oramballalla wiwa.

Ezara 6:10

wi evelleelleke mikutho ddoomuddivella Mulluku a oddullu ni ovekella okumi wa mwene ni anaaye.

Ezara 7:12

“Aritakisereksesi, mwene a mamwene, wa Ezara mullupa mukutho, muhuddihi eeruso a malamulo a Mulluku a oddullu, kinuuvahani mooni.

Nehemiya 1:4

Kiiwalleemi mawu yaalla, kaakeraatthi kininlla. Kahinlla nave kaahalla ocha* wa mallapo manchichi nave kaavekella wa Mulluku ooddullu.

Nehemiya 1:5

Vano kaallota wi, “Nyu Apwiya Mulluku ooddullu, Mulluku muullupalli ni awoopiha, oyo anasunga echipangano ni okhalla ni echikondi yoohisintha wa athu ayo enamukonda ni wiiwellella malamulwaaye.

Masalimo 85:2

Mwaakhululukella machimo a athwaanyu, mwaavuhellella ddoolakwa ddiwa ddittheddene.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Yeremiya 27:5

‘Kaaphatusa ellapo yavatthi ni masivaaka ni ekophollo ddaka. Kahaaphatusa athu ni enama va ellapo yavatthi nave kinnayivelleella wa oyo kinamooneemi wi tti oophwanella.

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Daniele 1:21

Daniele aakhalla wenko ophiyera muyakha wawaamba wa mwene Kirusi.