Ezara 1:1 - Mawu a Mulluku

¹ M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

Ezara 1:1 ပူးပေါင်းရင်းမြစ်များ

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Ezara 7:27

“Etitimiheye Apwiya Mulluku a makhollwaahu ayo ehiyalle ello yawi ddiidda m'murimani mwa amwene oreeriha enyumba ya Apwiya o Yerusalemu.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

Ezara 6:22

Nave yaahakallallella Ehakallallo ya Buledi Oohikhalla ni Yisiti wa mallapo matthanu ni meelli. Vawi Apwiya yaaweeriha wi ehakallalle nave aarukunusa murima wa mwene a o Asiriya mwawi aaweerella echifundo nave ahaakavihera va mutteko woomakattho enyumba ya Mulluku, Mulluku a Israele.

Daniele 2:1

Muyakha waneepiilli wa omwenaaye, Nebukadinezara aalloha. Nave ollohanko waamwaapheelliha muru mwawi ekhove ddaampallalleya.

Yohane 1:23

Yohane ahaakhulla voollotani mawu a namallotella Yesaya wi, “Mi tti okhuwa wa muthu mmodda muchipululuni, onallalleya wi, ‘Okollani musewu wa Apwiya.’ ”

Ezara 1:5

Vano oohoollella a mabanja a nlloko na Yuda ni Benjamini owaakattho allupa mukutho ni Alevi, arive muthu oyo Mulluku aamuvahilleeye maganizo aakhozeka aya woomakattho enyumba ya Apwiya o Yerusalemu.

Ezara 4:3

Koma Zerubabele, Yeshuwa ni amodda oohoollella mabanja a Israele yaawaakhulla wi, “Yaanyu khayiivo wi ttuumakellattho nimodda enyumba ya Mullukwaahu. Koma weekhiihu nineerewaamakellattho Apwiya Mulluku a Israele moollikana ni mmo Kirusi mwene a o Persiya aanilamulelleehu.”

Ezara 6:3

Mu muyakha wawaamba wa omwene wa Kirusi, aapanga lamulo nootthopoolla dda enyumba ya Mulluku o Yerusalemu. Nave aalamula wi enyumbeeyo emakiwettho wi nikhalle nipuro noovelleellawo mikutho ddooshellelliha ni mikutho ddimodda nave matthipellwiiwa emakiwettho vantepeni viwa. Wunnuwa wiwa onaakhalle mamita 27 oya muddullu navettho mamita 27 oramballalla wiwa.

Ezara 6:14

Nave oohoollella a Ayuda yaavirellella omakattho nave ddaaneeta phaama mookaviheriwa ni ollotella wa Hagai namallotella ni Zekariya mwaana a Ido. Yaamalliha muttekwiiwa woomakattho moollikana ni Mulluku a Israele ni olamula wa mamwene a o Persiya Kirusi, Dariusi ni Aritakisereksesi.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yeremiya 1:1

Alla sika mawu a Yeremiya mwaana a Hilikiya, mmodda mwa allupa mukutho o Anatoti, mu ellapo ya Benjamini.

Ezekiele 38:5

Akhoto a o Persiya, a o Kushi ni a o Puti eneerokhalla nimodda ni alliwa ayo enaakhalle ni ezishango ni ezipewa ddakhoto.

Daniele 6:25

Vano Dariusi ahaalembella athu a ellapo ddittheddene, mitundu ddittheddene ni ellotello ddoohiyanahiyana va ellapo yavatthi ettheene allota wi, “Murendelle waate variyari vanyu!

Daniele 9:2

Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Yesaya 45:1

Apwiya enallota ni oozoziwiiwa* Kirusi oyo yamphareelliwa onnattanatta wi agonjihe mitundu ddimodda dda athu, aamallihe masiva mamwene ni ohulla machiwi wi millako ddihiwalleye wi,

Daniele 1:21

Daniele aakhalla wenko ophiyera muyakha wawaamba wa mwene Kirusi.