Estere 9:4 - Mawu a Mulluku

⁴ Vawi Mordekai aari muthu muullupalli o enyumba yoomwene nave olliye aavuwa orive weko mu ezigawo ddittheddene, ekaamba yawi masiva a olamulellwaaye yaanoonjerereya nllapo ni nllapo.

Estere 9:4 ပူးပေါင်းရင်းမြစ်များ

1 Epilli 11:9

Vano Davide aavirellella okhalla ni masiva manchichi vawi Apwiya Amasiva Mattheene yaari ni olliye.

2 Samuele 3:1

Vano ekhoto variyari va athu a Saulo ni athu a Davide yaavirellellave wa enthawi yoorekama. Masiva a Davide yaanavirellella waata koma masiva athu a Saulo yaanavirellella oyeva.

Zefaniya 3:19

Enthawi yeeyo kineerewaallaka awuunyingallella attheene. Kineerewaavullusa oottutthunya ni waatthukumaniha oopallalleya attheene. Kineerotthattusa owullihiwa muru wiwa okhalla oriihiwa nave ellapo ettheene yavatthi eneerewaavaha olemu.

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Masalimo 18:43

Mwaakivullusa wa oollipana ni miyaano, mwaakitthattusa mwene a mitundu, sika athu oohaadduwella yaanakirumeyella.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

1 Epilli 14:17

Ovuwa wa nnddina na Davide waamwareyella mu ellapo ddittheddene nave Apwiya yaaweeriha athu a mitundu ddittheddene wi emooveke.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Yoswa 6:27

Sika Apwiya yaakhalla ni Yoswa nave epillaaye yaavuwa ellapo ettheeneeyo.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Estere 10:2

Mitteko ddittheddene ddaweereya ni masivaaye navettho ni ottekweenaaye ni ddittheddene ddootthopoolla dda owellihiwa ni ddoolemu wa Mordekai nnddo mwene amweerenlleeye, ddoolembiwa mu nibukhu na epilli ya mamwene a o Mediya ni Persiya.

Eksodo 11:3

Nave Apwiya yaaweeriha Aiguputwaalle wi ekhalle ooreera murima wa Aisraele. Ello emoddattho yaari yawi Mose aari muthu oovuwa wunchichi mu ellapo ya Iguputo, vamiitthoni va enduna dda Farao navettho vamiitthoni va athu attheene.

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.