Estere 9:3 - Mawu a Mulluku

³ Athu attheene oowehera mutteko wa mwene mu ezigawo, yaanaakavihera Ayuda ekaamba yawi yaanamoova wunchichi Mordekai.

Estere 9:3 ပူးပေါင်းရင်းမြစ်များ

Ezara 8:36

Yaavelleellattho kalata a amwene wa enduna ni alangizi a mwene a o echigawo ya vakhopella va muhinje ayo yaakavihera athu navettho enyumba ya Mulluku.

Daniele 3:2

Vano aarumiha mawu wi aatthukumanihe enduna, akhoto uullupalli, aweeruza, oosunga eyuuma, attekweene, alangizi ni oolamulella attheene a mu ezigawo wi ewe yeerena mutetho woopatula nifano nagolide nno mwene Nebukadinezara aniimesilleeye.

Estere 8:9

Sika mwene aawiithaniha alembi va mweeri waneeraru wa Sivani, va nllapo na 23. Vano alembaayo yaalemba lamulo moollikana ni mmo Mordekai alamulalleeye voollotani dda Ayuda. Yaalembella wa enduna, attekweene ni allupa mutteko attheene a mu ezigawo ddittheddene 127 ovenyera o Indiya ophiya o Kushi. Erive echigawo yaalembelliwa kalata moollikana ni mmo enalembelliiwa navettho wa nirive nlloko mu ellotellwiiwa navettho wa Ayuda moollikana ni mmo enalembelliwa ni enallotelliiwa.

Estere 8:5

Nave Estere ahiimella, allota vamiitthoni va mwene wi, “Ddaarimi dduuhakallallihalleni amwene, mwaarimi mukikondaka apaalle yaarimi yoovekaaka eri yaphaama vamiitthoni vanyu, miyaano kawuuddivellakani vamiitthoni vanyu amwene, vano nilembiwe lamulo noorukunusa mawu a mukalata a Hamani Mwagagoolle, mwaana a Hamedata. Vawi alembille wi Ayuda attheene enakhalla mu ezigawo ddittheddene dda omwenaanyu yoonongiwe.

Estere 3:12

Vano alembi a mwene yahiithaniwa va nllapo na khumi ni naneeraru na mweeri wawaamba nave yaamulemba kalata oollota ddittheddene nnddo Hamani alamulalleeye. Yaamurumiha wa attekweene ni allupa mutteko a mwene ni enduna dda mu ezigawo ddittheddene, o erive echigawo moollikana ni mmo enalembelliiwa navettho wa nirive nlloko mu ellotellwiiwa. Kalatooyo alembiwe mu nnddina na mwene Ahasuwero nave aadindiwa ni emphetaaye.

Ezara 2:2

Yawiille nimodda ni oohoollella monga Zerubabele, Yeshuwa, Nehemiya, Seraya, Reelaya, Mordekai, Bilishani, Mishipara, Bigivai, Rehumu ni Baana.) Echiwerengero ya allopwana a Aisraele yaari,

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.