Estere 9:2 - Mawu a Mulluku

² Ayudaayo yaatthukumana mu mizinda ddiwa, mu ezigawo ddittheddene dda mwene Ahasuwero wi emoononge arive muthu oyo apaalla oweerella yoonanara. Khaarivo naari muthu mmodda aworille ollipanana vawi athu attheene yaanawoova wunchichi Ayudaayo.

Estere 9:2 ပူးပေါင်းရင်းမြစ်များ

Estere 8:17

Mu ezigawo ddittheddene ni mu mizinda ddittheddene mmo mwaphiyalle mawu a mwene oollalleya lamulonne, mwaakhalla ohakallalla ni ottaphuwa variyari va Ayuda. Naari nllapo na ehakallallo ni nawiithuuwa, noohiphara mutteko. Sika athu a malloko ddinchichi mu omwenooyo yahaamba wiiromolla wi tti Ayuda vawi yaanawoova wunchichi Ayuda.

Estere 8:11

Ekaamba ya makalataalla mwene ahaakhullella wi Ayuda ookhalla mu mizinda ddittheddene, etthukumane ni oteteza okumiiwa. Navettho wi yoononge, yiiphe ni otthollosa nirive nlloko na adani oovenyera mu erive echigawo ayo yaallika. Ewoononge aniiwa ni atthiyaniiwa navettho emwaakhe katundwiiwa muttheene.

Masalimo 71:24

Nllapo nittheene kineerollalleya ollota dda echilungamwaanyu wi oowaashaasha okivoreya, evevulliwe, ewulliwesese muru.

Masalimo 71:13

Athu ookivaanyiha ewulliwe muru nave yoonongeye, oowaashaasha ookivoreya evevulliwe, ewulliwesese muru.

Yesaya 8:9

Nyu mitundu ddimodda dda athu tthukumanani mwawoova nave mutthukumelle. Nyu ellapo ddittheddene, iwesesani. Warani ddakhoto komave muneerokotholliwa. Ddawoona, warani ddakhoto komave muneerewinttakiwa.

Estere 9:10

Alla yaari anamwani aallopwana khumi a Hamani, mwaana a Hamedata, mudani a Ayuda. Koma kheyaakhille ddeko dda adaniiwaayo.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

Yoswa 2:9

aalleella wi, “Koodduwella wi Apwiya ahuuvahani ellapo ettheeneella nave attheenehi ninnoova, mirima ddahu ddinnatthukumella!

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

Eksodo 23:27

“Kineeroweeriha wi ekooveke miyaano athu attheene enaallipaneke ni nyuwaano. Kineerowaapheelliha muru athu ayo munaawanekeenyuna. Nave kineerowiikariha adanaanyu attheene.

Genesis 35:5

Yakobo ni anaaye yatimulliiwa, athu attheene a mizinda ddawaapheella yahoova wunchichi vawi yaalephela waathamakella.