Estere 8:3 - Mawu a Mulluku

³ Vano Estere aakokhora vamiitthoni va mwene anallota mwa winlla. Aamuveka mwene wi ahiihe ello yoonanara eyo Hamani Mwagagi akeraatthihalleeye navettho ni woononga nko apaalleeye oweerella Ayuda.

Estere 8:3 ပူးပေါင်းရင်းမြစ်များ

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Hoseya 12:4

Yakobooyo aallipana ni mungelo nave aapambana. Ahinlla mooveka madaliso. Akumana ni Mulluku o Betele nave wenko oweella mwa olliye aallota ni hiyaano.

Yesaya 38:2

Vano Hezekiya aarukunuwella osirini nave aavekella wa Apwiya wi,

Estere 7:4

Vawi aanikulliha, miyaano ni athu a nlloko naka wi noonongiwe, niiphiwe ni wi nitthollosiwe. Yanikullihalleke wi nikhalle akaporo, allopwana ni atthiyaneene, keereweera ellapo tuu oohillotavo ello vawi ohoosiwa wahu khewaaphiyere vawi nyu amwene mukatamihiwekena.”

2 Mamwene 4:27

Vano aphiyalle omwaangoni, wa Elisha muthu a Mulluku, mutthiyanooyo aakokhora aphara manyallo a Elisha. Gehazi aawa wi amukakhe. Koma Elisha aallota wi, “Muhiye, ethiyo khonoona wi ari mu ddookatamiha ddinchichi? Apwiya aakiipitthihella ddenndda, khekilleelle.”

1 Samuele 25:24

Ahinavenye aallota wi, “Apwiya mullatu okhalle waaka. Mukaakhullelle miyaano kaporwaanyu wi killote ni nyuwaano nave mwiiwellelle mawaaka.

Estere 3:1

Ddiviralle nndda, mwene Ahasuwero aamuwelliha odindo mullopwana ooromolliwa wi Hamani Mwagagi, mwaana a Hamedata. Aamunnuwiha ni omuvaha mpando wa vaddullu, okhwaranya enduna ddittheddene ddaari ni olliye.

Estere 8:2

Mwene aarulla emphetaaye yookhalla ni echidindo eyo aakhilleeye ovenyera wa Hamani, ayivelleella wa Mordekai. Sika Estere aamwinnya Mordekai ottekweene woowehera enyumba ya Hamani.

Estere 8:4

Mwene aamutthoonya Estere ni ekopwaaye ya golide.