Estere 8:2 - Mawu a Mulluku

² Mwene aarulla emphetaaye yookhalla ni echidindo eyo aakhilleeye ovenyera wa Hamani, ayivelleella wa Mordekai. Sika Estere aamwinnya Mordekai ottekweene woowehera enyumba ya Hamani.

Estere 8:2 ပူးပေါင်းရင်းမြစ်များ

Estere 3:10

Vaavo mwene aarulla emphete o nnatta waye, eyo yapharihiwa mutteko woodinda malamulo a mwene. Nave ayivelleella empheteeyo wa Hamani Mwagagi, mwaana a Hamedata, mudani a Ayuda.

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.

Genesis 41:42

Enre ddiiddo, Farao aarulla emphete yoomwene muyaallani mwaye, amuwariha Yosefe oyaallani waye. Aamuwarihattho ddoowara ddabafuta ni ogufu wa golide munikohini mwaye.

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Masalimo 37:34

Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.

Estere 8:3

Vano Estere aakokhora vamiitthoni va mwene anallota mwa winlla. Aamuveka mwene wi ahiihe ello yoonanara eyo Hamani Mwagagi akeraatthihalleeye navettho ni woononga nko apaalleeye oweerella Ayuda.

Estere 10:2

Mitteko ddittheddene ddaweereya ni masivaaye navettho ni ottekweenaaye ni ddittheddene ddootthopoolla dda owellihiwa ni ddoolemu wa Mordekai nnddo mwene amweerenlleeye, ddoolembiwa mu nibukhu na epilli ya mamwene a o Mediya ni Persiya.