Estere 7:9 - Mawu a Mulluku

⁹ Vano Haribona, mmodda mwa allupa mutteko a amwene, aallota wi, “Woonjerera vaavo, Hamani aapotokosa muteekho wawiimakellellavo, woorekama mamita 23 wi emumakellellevo Mordekai, muthu oyo uuvullunseni nyuwaano mwene ni mawaaye.” Vano mwene aallota wi, “Mwamumakellelle vaavo olliyoolla.”

Estere 7:9 ပူးပေါင်းရင်းမြစ်များ

Estere 5:14

Vano mwaariye Zereshi ni akhwaaye attheene yaamulleella wi, “Mupotokose muteekho wawiimakellellavo woorekama mamita 23. Ohinase mumulleelle mwene wi amumakellelle vamuteekhonimvo Mordekai. Sika muyeewo moohakallalla omachellelloni ni mwene.” Malangizwaalla yaamuddivella Hamani, sika aapotokosiha muteekho wawiimakellellavooyo.

Estere 1:10

Va nllapo naneetthanu ni piilli na machellello nno mwene ahakallallilleeye m'murimani mwaye ekaamba ya omuwirya vinyo, aawiithana Mehumani, Bizita, Haribona, Bigita, Abagita, Zetara ni Karikasi. Alla yaari allupa mutteko amwene oohulliwa* atthanu ni eelli.

Masalimo 141:10

Athu oonanara attheene ekoliwe mu nikwekwe niwa, koma miyaano kivulluwe.

Masalimo 35:8

Yoonongeye moohitiyerella, yaange mu nthavi nooreya weekhiiwa, emorelle mu nlliti nookata aneeniiwa.

Daniele 6:24

Vano mwene aalamula wi athu alle yamusumenlle Daniele yaaphare ni waavokhella mu nlliti namikangonne, alliwa vamodda ni awariwa ni aniiwa. Nave ehinaphiye vatthi va nlliti mikango ddahaakaphulla ddaanyenya makhuviiwa mattheene.

Daniele 6:7

Attheenehi aweetiha omwene, oowehera, enduna, alangizi ni oolamulella attheene a mu ezigawo nohiiwanana wi nyu amwene mukeraatthihe lamulo namasiva wi athu attheene ethwareke. Mulamule wi va mallapo 30 vihiphwanyeye muthu ooveka ello wa arive mulluku apaalle wa arive muthu koma wa nyuwaanove.

Masalimo 73:19

Eneerewoonongeya va enthawi yooyeva, eneeromalla moorurumusa.

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

Estere 6:14

Eri variyari voollotani ddenndda ni Hamani, allupa mutteko a mwene yaaphiya, emukusa Hamanoolle mwawaakuva, emuyaana o machellello ookeraatthihiwa ni Estere.

Estere 6:2

Vano mu nibukhunimmo yaaphwanyamo wi Mordekai ahuupullulla dda Bigitana ni Teresi, eelli mwa allupa mutteko oohulliwa* a mwene ayo yawehera va mullako woovollowella wa mwene vawi yahiiwanana wi emwiiphe mwene Ahasuwero.

1 Samuele 17:51

Enthawi yeeyo Davide aathamaka iimella vatulli va Mufilistooyo ahullulla nsupada na Mufilistooyo munigonelani mwiwa amukokholla vomuphaddani muru. Vano Afilisti yoonilliiwa wi muthu amasiva eeruso vakhotoni ookhwa, yaathawa.

2 Mamwene 9:32

Yehu aaweha va niwindo allota wi, “Ethiyo aniiwanana ni mi ttaani?” Vano oorumeyella eelli apaalle araru a o enyumba yoomwene yaamuweha Yehu.

Estere 8:7

Sika mwene Ahasuwero aamulleella mwaaramwene Estere ni Mordekai, Muyudoolle wi, “Ngoonani, koomuvaha Estere enyumba ya Hamani nave Hamanooyo yaamumakellella vamuteekhoni, ekaamba yawi apaalla owiipha Ayuda.

Estere 9:14

Sika mwene aalamula wi ddenndda ddeereye. Lamulo naavelleelliwa mu muzinda wa Susa. Nave mitembo dda anamwani aallopwana a Hamanaalle yaaddimakellella vamuteekhoni.