Estere 7:7 - Mawu a Mulluku

⁷ Vano mwene aavenya moonanariwa nave aaya o nthato na enyumbaaye. Koma Hamani aahalla wi aveke wa mwaaramwene Estere wi avulluse okumaaye vawi aadduwella wi mwene aasimikiza omweerella yoonanara.

Estere 7:7 ပူးပေါင်းရင်းမြစ်များ

Miyambo 19:12

Osha murima wa mwene tti wonanko othuruma wa mukango koma oreera murima waye tti wonanko nikame vamanasini.

Estere 1:12

Koma mwaaramwene Vasiti aakhoota owa naari mwene alamulalle vawaarumihani allupa muttekwaayaalle. Vano mwene aasha murima wunchichi ni ddenndda nave owallaaye wavoreyella muwariwari.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

Daniele 3:19

Vano Nebukadinezara ahaashella murima wunchichi nave ekhovaaye yahaatthattuwella Shadrake, Meshaki ni Abedenego. Olliye aalamula wi eng'anjo yamunllo ettettheeriwe otthanu ni opiilli okhwaranya mmo enattettheerelliiwa.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

Miyambo 14:19

Athu oonanara ennaakokhorella athu aphaama nave oochimwa va millako dda oolungama.

Masalimo 112:10

Muthu oonanara annoona ddenndda, ddinnamushiha murima. Annakhuriiha miino nave annarimeella, ddoopaalla ddaye khaddiwa ddeereya.

1 Samuele 25:17

Vano kapaalla wi mwiiwe ddenndda nave muganizere yawi mweere. Vawi aasimikiza oweerella yoonanara apwiya ni nibanja niwa nittheene. Emoddattho tti yawi apwiyaalle tti ookatamiha vawi khaavo anaawore ollotana wi yiiwe.”

1 Samuele 20:9

Yonatani ahaakhulla wi, “Iyaayi mukhwaaka, ohinakhupanyaka. Koona wi attiitthaaka enapaalla owiipha kineerewuulleella.”

1 Samuele 20:7

Attiitthwaayo yaakhullella, ddeko ddineerokeetella phaama miyaano kaporwaawo. Koma yananariwa odduwelle wi enapaalla okeerella yoonanara.

Estere 1:5

Ddiviralle miyeerinnddo, mwene Ahasuwero aakeraatthihattho machellello nimodda ni athu attheene, athu oovuwa ni athu shisha, ookhalla mu muzinda wa Susa. Machellellwaalla yeereyelle va nthato na enyumba yoomwene va enthawi yookwakhwana mulungu mmodda.

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Miyambo 14:35

Mwene annahakallalla ni mullupa mutteko aweera ddeko mweezeru koma annamunanariwella oowulliha muru.

Miyambo 16:14

Onanariwa wa mwene tti othenga wa okhwa nave muthu eezeru sika anamupepesa.