Estere 5:9 - Mawu a Mulluku

⁹ Nllapo nenno Hamani ayaawo moohakallalla ni mwaweelliwa murima. Koma ari mu enyumba mwa mwene vawoonani wi Mordekai khaamukokhorella ni omutthukumellella vamiitthoni vaye, aamushella murima wunchichi Mordekayooyo.

Estere 5:9 ပူးပေါင်းရင်းမြစ်များ

Estere 3:5

Hamani oonilleeye wi Mordekai khaamukokhorella apaalle omuweramella, aasha murima wunchichi.

Mateyu 2:16

Vano Herode adduwenlleeye wi alleto a wookhuma nndduwaalle yaamoottottha, aasha murima. Ahaalamulella akhoto wi yawiiphe anamwani aallopwana oohikhwaranya miyakha miilli a mu Betelehemu ni m'mapuroni mutthemwene mwawaatamanana moollikana ni yeeyo aakohesesilleeye alletwaalle dda enthawi yoonilliiwa etheneereelle.

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!

Yohane 16:20

Ddawoona, kinimuulleellani wi muneerewinlla ni woopa ekutho koma athu a ellapo yavatthi eneerohakallalla. Nyuwaano muneerokokhupanya koma okhupanya wanyu eneerotthattuwa ehakallallo.

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.

Daniele 3:13

Sika Nebukadinezara aasha murima wunchichi, awiithaniha Shadrake, Meshaki ni Abedenego. Nave yaawaana athwaalla vamiitthoni va mwene.

Masalimo 27:3

Naari mulloko wakhoto okaapheelle, murimaaka khotthukumella naari vang'ono. Naari ekhoto enyanyuwe ollipana ni miyaano, ngihiya wuuroromellani.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

Yobu 31:31

A munibanjani naka ennadduwella wi khaavo ahillawihalle yoochaaka.

Yobu 20:5

Ethiyo khonadduwella wi ohakallalla wa oonanara khonallekella, othapella wa oohimoova Mulluku tti wa enthawi yooyeva?

Estere 3:2

Sika allupa mutteko attheene a mwene yaphara mutteko o enyumba yoomwene yaanamuvaha olemu voomukokhorella Hamanooyo vawi mwene sika alamulalle ddenndda. Koma Mordekai khaamukokhorella apaalle omuwaramella.

Estere 2:19

Mvo anamwalli yatthukumanihiwiiwa enthawi yaneepiilli, Mordekai aari apharaka mutteko o enyumba yoomwene.

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Estere 5:13

Komave ddittheddenenndda khaddinakikwakhwana miyaano, kaamoonaka Muyudoolla Mordekai, anaphara mutteko o enyumba yoomwene.”

1 Mamwene 21:6

Ahabu aamwaakhulla wi, “Mi kaallota ni Naboti Muyezireele kimulleella wi akikullihelle emataaye ni makobiri apaalle wi kimwinnye emata emodda munipuroni mwiwa. Koma olliye aakaakhulla wi, ‘Ngiwa kiwinnyani emataaka yampesa.’ ”