Estere 5:2 - Mawu a Mulluku

² Vano voomoonani mwaaramwene Estere iimellille munthatonimmo, mwenooyo aahakallallana, sika aamutthoonya ni ekopwaaye ya golide eyo yaari m'mattani mwaye. Sika Estere ahaatamella vakhuviru nave aattannya etthoka ya ekopweeyo.

Estere 5:2 ပူးပေါင်းရင်းမြစ်များ

Estere 8:4

Mwene aamutthoonya Estere ni ekopwaaye ya golide.

Estere 4:11

“Allupa mutteko attheene ni athu attheene a muzigawo dda ellapo ya mwene ennadduwella wi arive mullopwana apaalle mutthiyana avollowa munthatoni na muwari na mwene ahiithaniwe, viri lamulo nimoddave. Lamulonno ninallota wi, attheenaayo enapaalleya wiiphiwa oohihiyaniha, vaavove muthu oyo mwene amutthoonyilleeye ni ekopwaaye yoomwene yagolide, awi akhalle ni okumi. Koma voomalla mweeri mwene ahikiithanille wi kiye woolliye.”

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Masalimo 116:1

Kinnaakonda Apwiya ekaamba yawi enniiwa mawaaka kaavekellaka.

Estere 2:9

Estere aamuhakallalliha Hegai sika aamweerella echifundo namwallooyo nave ddeko ddaanamweetella phaama. Sika Hegai aamwinnya mwawaakuva Estere ddawiihella ni yoocha yaayeyaaye. Aamwinnyattho allupa mutteko aatthiyana atthanu ni eelli a o enyumba yoomwene wi emukavihereke. Estere ni allupa muttekwaayaayo yaahiyiwa munipuroni nooreeresesa mu enyumba yaatthiyaneeyo.

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”