Estere 4:8 - Mawu a Mulluku

⁸ Mordekai aamwinnyattho kalata oolamulo oovenyera o Susa ootthopoolla wi Ayuda attheene yoonongiwe. Aaveka wi Estere amoonihere kalatooyo ni omutthopoollella nave amulleelle wi aye wa mwene amuveke moomukhupanyella wi aweerelle echifundo Ayuda.

Estere 4:8 ပူးပေါင်းရင်းမြစ်များ

Oollalleya 10:4

Oolamulella uushella murima ohinavenyavo vanipuroni vawo vawi wiithaalla onnavuhellella ddoolakwa dduullupalli.

Yobu 9:15

Naari kiri oohichimwa, ngiwora wiiteteza, ookiipa mullatu akeerelle echifundo.

Estere 2:20

Vano Estere aari ahinawulule dda nlloko naye apaalle dda nibanja naye moollikana ni mmo Mordekai amulleellelleeye vawi Estere aanamwiiwellella Mordekai ovenyera enthawi elle amullelleeye.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

1 Timoteo 6:13

Navesttho vamiitthoni va Mulluku oyo anavaha okumi ddeko ddittheddene ni Khrisitu Yesu oyo aakhullenlle echikhulupililwaaye vamiitthoni va Pontio Pilato.

Mitteko 12:20

Herode ahaashella murima athu a o mizinda dda Tiro ni Sidoni, sika yaakusana mulloko wi yamoone. Vowaamba yamukopille Blasito wi aakavihere, olliyoolla aari oowehera dda mu enyumba ya Herode. Vano yaaya wa Herode yaveka murendelle kaambiiwa yoocha ya echigawiiwa yavenyera o ellapo ya mwenooyo.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Estere 8:6

Kinaawore ovillella mwawiidde, vawoonani mullilli oyo onaamorella athu a nlloko naka? Apaalle kinaawore mwawiidde ovillella, vawoonani abalaaka yiiphiwaka?”

Estere 4:9

Hataki aamulleella Estere nnddo Mordekai allotilleeye.

Masalimo 122:6

Vekellani murendelle wa Yerusalemu voollotani wi, “We Yerusalemu, athu ayo enuukonda ddeko ddiweetelleke phaama.