Estere 4:4 - Mawu a Mulluku

⁴ Vano anamwalli ni allupa mutteko amodda a Estere yawiilliiwa wi emulleelle dda Mordekai, mwaaramwenooyo aakhumuwa wunchichi. Estere aarumiha ddoowara wi Mordekai aware ni orulla nthumba naye koma olliye aakhoota waakhullella ddennddo.

Estere 4:4 ပူးပေါင်းရင်းမြစ်များ

Masalimo 77:2

Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Yeremiya 31:15

Apwiya enallota wi, “Okhuwa onniiweya o Rama, wa ekutho ni winlla wunchichi. Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Yesaya 56:3

Muthu a mutundu mmodda oyo iipataanihalle ni Apwiya ahillote wi, “Muhikayikelle erive ello vawi Apwiya eneerokivenyihavo variyari va athwiiwa.” Oohulliwa* ahillote wi, “Mi sika kiri awumma wonanko ekhuni.”

Estere 1:12

Koma mwaaramwene Vasiti aakhoota owa naari mwene alamulalle vawaarumihani allupa muttekwaayaalle. Vano mwene aasha murima wunchichi ni ddenndda nave owallaaye wavoreyella muwariwari.

2 Mamwene 9:32

Yehu aaweha va niwindo allota wi, “Ethiyo aniiwanana ni mi ttaani?” Vano oorumeyella eelli apaalle araru a o enyumba yoomwene yaamuweha Yehu.

1 Samuele 8:15

Aneerowaakhani ddaneekhumi dda tirigwaanyu ni dda mpesaanyu ni owinnya akapitawaaye ni enduna ddaye.

Genesis 37:35

Anaaye attheene aallopwana ni aatthiyana yaawa wi emukhurumuse murima koma olliye aakhoota ni wi, “Kinaakhalle kinllaka maliro a mwanaka ophiyera kivollowille mu mahame mmo muri olliyooyo.” Sika aavirellella winlla ekaamba ya Yosefe mwanaye.

Mitteko 8:27

Nave aavenya ayaawo. Vano waakhalla muthu mmodda oohulliwa* oovenyera o Etiyopiya. Olliye aarittho muullupalli oomurumeyella Kandake, mwene aamutthiyana a o Etiyopiyanko ni oowehera eyuumaaye ettheene. Awiille o Yerusalemu wi amullapelle Mulluku.

Estere 4:3

Nave o erive echigawo nko waphiyalle lamulo na mwene waari winlla wunchichi variyari va Ayuda. Yaanahalla ocha* ni winlla nave yaanakhupanya moomoriha ethakaraka. Anchichi mwa Ayudaayo yaanawara mathumba ni wiihella ntuura.

Estere 4:5

Sika Estere aamwiithana Hataki, mmodda a allupa mutteko oohulliwa* a mwene ayo yahiyiwe wi emukavihereke. Aamulamula aye wa Mordekai wi iiwe nnddo ddeereyille navettho wi ddeereyille ekaambeene tini.