Estere 4:3 - Mawu a Mulluku

³ Nave o erive echigawo nko waphiyalle lamulo na mwene waari winlla wunchichi variyari va Ayuda. Yaanahalla ocha* ni winlla nave yaanakhupanya moomoriha ethakaraka. Anchichi mwa Ayudaayo yaanawara mathumba ni wiihella ntuura.

Estere 4:3 ပူးပေါင်းရင်းမြစ်များ

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Yesaya 58:5

Ethiyo ohalla ocha wawi ddiiddanngu tti nko katthoonlleemi? Nyu munnawarama vatthi wonanko manasi, munnaanddellella eziguduli ni ohellavo ntuura wi mukonaatthivo. Ethiyo muneesa ohalla ocha tti wenngu, nllapo nowaahakallalliha Apwiya?

Yesaya 22:4

Sika vano muhinakiwehaka miyaano, kihiyeni kinlle moovoreyiwa murima. Muheese okikhurumusa murima va dda woonongeya wa athwaaka.

Mateyu 25:30

Vano mullupa mutteko oohikhalla ni mphuroolla, mvokheni mu epiphi ya vaatte. Wenko aneerekewinlla ni okhuuriha miino.’

Mateyu 22:13

Vano mwenoolle ahaalleella allupa muttekwaaye wi, ‘Mumakeni yooyo matta ni meto mumuvokhelle mwiipiphini yavaatte. Wenko aneerekewinlla ni okhuuriha miino.’ ”

Mateyu 13:42

Nave eneerovokhelliwa vamunlloni wawoopiha, wenko eneerekewinlla ni okhuuriha miino.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Estere 3:12

Vano alembi a mwene yahiithaniwa va nllapo na khumi ni naneeraru na mweeri wawaamba nave yaamulemba kalata oollota ddittheddene nnddo Hamani alamulalleeye. Yaamurumiha wa attekweene ni allupa mutteko a mwene ni enduna dda mu ezigawo ddittheddene, o erive echigawo moollikana ni mmo enalembelliiwa navettho wa nirive nlloko mu ellotellwiiwa. Kalatooyo alembiwe mu nnddina na mwene Ahasuwero nave aadindiwa ni emphetaaye.

Estere 1:1

Nndda sika ddeereyille enthawi ya mwene Ahasuwero. Ahasuwero aanalamulella ezigawo 127 ovenyera o Indiya ophiya o Kushi.

1 Samuele 11:4

Oorumiwaalle yaphiyalliiwa owaniwa wa Saulo o Gibea, yahaalleella athu dda mwahoolla, attheene yahaamba winlla ni murimiiwa muttheene.

Estere 4:2

Olliye iimellille vakhuviru ni mullako wa mwene vawi khaarivo muthu naari mmodda oyo aakhullelliwa ovollowa va mullako wa mwene awarille nthumba.

Estere 4:4

Vano anamwalli ni allupa mutteko amodda a Estere yawiilliiwa wi emulleelle dda Mordekai, mwaaramwenooyo aakhumuwa wunchichi. Estere aarumiha ddoowara wi Mordekai aware ni orulla nthumba naye koma olliye aakhoota waakhullella ddennddo.

Estere 9:31

wi mallapo yaalla a Purimu esungiweke mu enthawi yookeraatthihiwa, voothwarani nnddo mwaaramwene Estere ni Muyudooyo Mordekai yaalamulalliiwa Ayuda. Yaasungekettho mallapwaalla voothwarani malamulo ayo Ayudaayo yiikeraatthihelliiwa ni edduullu ddiwa, oollota ddoohalla ocha* ni winlla wiwa.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Yobu 2:8

Sika Yobu aakusa nivalli aniiwakana akeraatthille vaddallani.

Ezekiele 27:30

Attheenaayo ennawinllella wunchichi owinllella, yiihellaka nthupi omuruni, edduupurusaka muntuurani.

Yona 3:6

Mwene o Nineve vawiiwani ddennddo, aakittha va vampandoni vaye woomwene nave aarullattho mukanjwaaye. Aawara echiguduli nave ahiiyeviha vookeraatthi vaddallani.