Estere 4:1 - Mawu a Mulluku

¹ Mordekai iiwalleeye ddittheddene ddeereyillennddo, ahaahulla ddoowara ddaye, awara nthumba ni wiihella ntuura ekaamba ya ethakaraka. Aaya avollowa muwari mwa muzinda, inllaka mookhuwa ni moovoreyiwa murima wunchichi.

Estere 4:1 ပူးပေါင်းရင်းမြစ်များ

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

2 Samuele 13:19

Vano Tamara ahiihella ntuura omuruni aahulla yoowara eyo awarilleeye. Nave aaphara muru anarowa inllaka mookhuwa mawu musewu muttheene.

2 Samuele 1:11

Enthawi yeeyo Davide aaphara ddoowara ddaye aahulla. Nave athu ayo yaari ni Davide yaheera emoddamoddave yeeyo.

Yobu 2:8

Sika Yobu aakusa nivalli aniiwakana akeraatthille vaddallani.

Mitteko 14:14

Paulo ni Baranaba yiiwalliiwa yapaalliiwa weerannddo, yahaahulla ddoowara ddiwa, ethamakella variyari va mullokooyo, ekhuwa wi,

Mateyu 11:21

“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara o Tiro ni o Sidoni, yaaweerorukunuwa murima khalle. Yaaweerowara eziguduli ni wiihella ntuura wooniha wi yoorukunuwa murima!

Zefaniya 1:14

Nllapo nuullupalli na Apwiya nohaatamella, niri vakhuviru nave nineerophiya mwawaakuva. Nllapo nenno oneerokhalla okhuwa woovoreya naari akhoto amasiva aneerewinlla mookhuwa.

Mika 1:8

Vano Mika aallota wi, “Ekaamba ya yeella kineerewinlla moomoriha ethakaraka. Kineereweeta oohiwara esapato nave kiri epwillimwinddive, kikhuwaka wonanko khatwe ni winlla wonanko enthiwatiwa.

Ezekiele 21:6

“Vano we mwaana a muthu, ipullella vamiitthoni viwa, ipullella wunchichi ni murima woovoreya.

Yesaya 58:5

Ethiyo ohalla ocha wawi ddiiddanngu tti nko katthoonlleemi? Nyu munnawarama vatthi wonanko manasi, munnaanddellella eziguduli ni ohellavo ntuura wi mukonaatthivo. Ethiyo muneesa ohalla ocha tti wenngu, nllapo nowaahakallalliha Apwiya?

Yesaya 22:4

Sika vano muhinakiwehaka miyaano, kihiyeni kinlle moovoreyiwa murima. Muheese okikhurumusa murima va dda woonongeya wa athwaaka.

Yesaya 15:4

Athu a o Heshiboni ni a Eleyale eniminlla moollipiha sika mawiiwa enniiweya ophiya o Yahazi. Ekaamba ya yeella, akhoto a o Mowabu eniminlla mookhuwa, aatathilla murima.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

Estere 4:3

Nave o erive echigawo nko waphiyalle lamulo na mwene waari winlla wunchichi variyari va Ayuda. Yaanahalla ocha* ni winlla nave yaanakhupanya moomoriha ethakaraka. Anchichi mwa Ayudaayo yaanawara mathumba ni wiihella ntuura.

Yoswa 7:6

Yoswa ni attekweene a Aisraele yiiwalle ddenndda yaamoriwa ethakaraka wunchichi nave yahaahulla ddoowara ddiwa, yiivokhella vatthi moopopheya ekhove vahoollo va nibokosi na echipangano na Apwiya ophiyera misikuwa, yiihella nthupi omuruni wiwa.

Genesis 27:34

Esau iiwalleeye ddenndda, ahinlla wunchichi moovoreyiwa murima nave aallota wi, “Attiitthi, mukidalisettho miyaano.”

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Estere 4:2

Olliye iimellille vakhuviru ni mullako wa mwene vawi khaarivo muthu naari mmodda oyo aakhullelliwa ovollowa va mullako wa mwene awarille nthumba.

Genesis 37:34

Sika Yakobo ahaahulla ddoowara ddaye nave awara echiguduli vawoonihani ethakaraka. Nave ahinlla maliro a mwanayaayo va enthawi yoorekama.

Yesaya 37:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.

Yesaya 37:2

Nave aamuruma Eliyakimu muullupalli oowehera enyumba yoomwene, Shebina namalembella ni muullupalli a allupa mukutho, attheene ewarille eziguduli wi eye wa namallotella Yesaya, mwaana a Amozi.

Ezekiele 21:11

Nsupada noovelleelliwa wi nipukutiwe ni wi nitukhulliwe. Nohaandusiwa ni opukutiwa wi nivelleelliwe m'mattani mwa muthu oyo aniipha.