Estere 3:7 - Mawu a Mulluku

⁷ Va mweeri wawaamba, mweeri wa Nisani, muyakha wa khumi ni piilli wa omwene wa Ahasuwero, athu yahoombesa nikhanga nooromolliwa Puri vamiitthoni va Hamani. Vaweerani nndda yapaalla edduwelle nllapo ni mweeri woophwanellella. Sika nikhanganno naatthoolla mweeri wa khumi ni miilli, mweeri wa Adara.

Estere 3:7 ပူးပေါင်းရင်းမြစ်များ

Ezara 6:15

Nave yaamalliha omakattho enyumbeella va nllapo naneeraru na mweeri wa Adara m'muyakha waneetthanu ni mmodda wa omwene wa Dariusi.

Miyambo 16:33

Athu ennoombesa koma ddoothwarellella ddinavenyera wa Apwiya.

Mateyu 27:35

Yaamutthomeya vamutandani ni okawana ddoowara ddaye weekhiiwa yoombesille.

Estere 9:21

Ahaalleella wi esungeke nllapo na khumi ni sese na mweeri wa Adara navettho nllapo na khumi ni tthanu na mweeri yooyo muyakha ni muyakha,

Estere 9:5

Sika Ayuda yaawiipha adaniiwa attheene ni masupada. Yaawiipha ni owoononga nave yaweerana ayo yawiita moollikana ni mmo yapaallelliiwa.

Estere 9:1

Nllapo na khumi ni raru na mweeri wa Adara naakwakhwana, nllapo nno nakeraatthihiwe wi lamulo nawaambanne na mwene naambe ophara mutteko, nllapo nno adani a Ayuda yatiyerelliiwa waagonjiha Ayudaayo. Koma ddeko ddaarukunuwa vawi Ayuda sika yaagonjihalle adaniiwa nllapo nenno.

Estere 2:16

Vano yaamukusa Estere emuyaana wa mwene Ahasuwero o enyumbaaye mweeri waneekhumi wa Tebeti muyakha waneetthanu ni piilli wa omwenaaye.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

Nehemiya 2:1

Vano mu mweeri wa Nisani muyakha wa 20 wa omwene wa Aritakisereksesi mvo vinyo awiilleeye, kaamukusa kamuvelleella wa mwene. Vano ovenyera khalle kaari kihinooneyeke ookhumuwa vamiitthoni vaye.

Ezara 4:6

Vawaamba va olamulello wa mwene Ahasuwero, adani a Yuda ni Yerusalemu yaalemba ddoovaanyihana ni alliwa.