Estere 3:4 - Mawu a Mulluku

⁴ Vawi Mordekai ahaalleella wi olliye tti Muyuda, alliwa yaanallota ni olliye nllapo ni nllapo koma khaawiiwellella. Sika yaamulleella Hamani ddenndda wi apaalle Mordekai ttuusintha.

Estere 3:4 ပူးပေါင်းရင်းမြစ်များ

Genesis 39:10

Naari mutthiyanoolle avirellelle ollota mawu amoddave yaalla ni Yosefe nllapo ni nllapo, Yosefe khaamwaapella maaru naari vang'ono nave khaakhullella weera ddoonanara ni mutthiyanooyo.

Yona 1:9

Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Daniele 6:13

Vano yaallota ni mwene wi, “Daniele mmodda mwa akaporo a o Yuda oopwesa lamulo noohiiha nne nyu amwene mwasayinelleenyu. Annavirellella ovekella wa Mullukwaaye oraru vanllaponi.”

Daniele 3:12

Vookhalla Ayuda amodda ayo mwaahiyalleenyu wi ewehereke mutteko wa mu echigawo ya Babiloni, Shadrake, Meshaki ni Abedenego. Athu yaalla khenapwatha lamulo na nyu amwene, khenarumeyella milluku ddanyu apaalle ollapella nifano nagolide mwaniimesilleenyu.”

Ezara 1:3

Sika nyu attheene muri ayiwayiwa Mullukwaanyu akhalle ni nyuwaano. Nave muye o Yerusalemu a o Yuda wi mwamakettho enyumba ya Apwiya Mulluku a Israele, Mulluku oyo ari mu Yerusalemu.

Estere 3:3

Allupa mutteko amoddaalle yaamukoha Mordekai wi, “Ethiyo kaambiiwa tini ohiniiwellelleewe lamulo na mwene?”

Estere 3:5

Hamani oonilleeye wi Mordekai khaamukokhorella apaalle omuweramella, aasha murima wunchichi.