Estere 3:1 - Mawu a Mulluku

¹ Ddiviralle nndda, mwene Ahasuwero aamuwelliha odindo mullopwana ooromolliwa wi Hamani Mwagagi, mwaana a Hamedata. Aamunnuwiha ni omuvaha mpando wa vaddullu, okhwaranya enduna ddittheddene ddaari ni olliye.

Estere 3:1 ပူးပေါင်းရင်းမြစ်များ

Numeri 24:7

Maaddi eneerekottekhuma mu ddoorikella maaddi ddawo mmiddwaawo oneerokhalla ni maaddi manchichi. Mwenaawo aneerovuwa omukhwaranya Agagi nave omwenaaye oneerowellihiwa.

Daniele 6:2

Nave aamutthoolla Daniele ni amodda eelli wi ekhalle uullupalli oowehera enduna wi ddeko dda mwene ddisungeye phaama oohoonongeya.

Estere 5:11

Vano Hamani ahiitukhulla ekaamba ya waata eyuumaaye, waata wa anaaye aallopwana ni olemu oyo mwene amuvahilleeye navettho ni wi mwene aamunnuwiha waakhwaranya attekweene attheene ni allupa mutteko attheene amwene.

Estere 3:10

Vaavo mwene aarulla emphete o nnatta waye, eyo yapharihiwa mutteko woodinda malamulo a mwene. Nave ayivelleella empheteeyo wa Hamani Mwagagi, mwaana a Hamedata, mudani a Ayuda.

1 Samuele 15:33

Koma Samuele aallota wi, “Nsupada nawo nooweeriha atthiyana wi ehikhalle ni anamwani. Emoddamoddave yeeyo amaayo khekhalla ni anamwani, moophwanaphwana ni atthiyana amoddaayo.” Vano Samuele aamwiipha Agagi amuphadda enthuli enthuli vamiitthoni va Apwiya o Giligala.

Genesis 41:40

Weyaano sika onaalamulelleke enyumbaaka yoomwene nave athwaaka attheene eneerekowiiwellella. Miyaano kinaakhalle muullupalli wa weyaano voomwenenive vaava.”

Miyambo 29:2

Athu oolungama yakhalla vampandoni athu ennahakallalla koma oonanara aalamulellaka athu enniipullella.

Masalimo 12:8

Athu oonanara emmoona weeteeta virive veko, athu ennatetheella ddoonanara ddiwa.

Estere 8:3

Vano Estere aakokhora vamiitthoni va mwene anallota mwa winlla. Aamuveka mwene wi ahiihe ello yoonanara eyo Hamani Mwagagi akeraatthihalleeye navettho ni woononga nko apaalleeye oweerella Ayuda.

Estere 7:6

Estere ahaakhulla wi, “Oonihoosa ni mudanihu, Hamani oonanara murimoolla!” Vaavo Hamani ahoova wunchichi vamiitthoni va mwene ni mwaaramwene.

Estere 1:14

Mannddiniiwa yaari Karisena, Setara, Adimata, Tarishishi, Meresi, Marisena ni Memukana. Alliwaalla yaari enduna dditthanu ni piilli dda o Persiya ni Mediya ayo yaakhullelliwa ophiyera vamiitthoni va mwene nave alla yaari oohoollella uullupalli mu omwenooyo.

Ezara 7:14

Orumihiwe ni amwene owaaka alangiziiwa atthanu ni eelli wi woone dda athu a o Yuda ni Yerusalemu yaarimi ekhallaka moollikana ni malamulo a Mullukwaawo ayo eri m'mattani mwawo.

1 Samuele 15:8

Yaamukusa Agagi, mwene Aamaleke, ari mukumi koma athu amodda attheene yaawiipha.

Genesis 41:55

Ettalleeyo ekwakhwanille ellapo ettheene ya Iguputo, athu yahaamba omwinllella Farao wi aavahe yoocha. Nave Farao ahaalleella athu attheene wi, “Khaweni wa Yosefe nnddo aneereeye uulamuleni, mweere ddennddo.”

Oollalleya 10:6

Athu ookarangeya enninnyiwa mitteko ddavaddullu ddinchichi nave eeyuuma enninnyiwa mitteko ddavatthi.