Estere 2:9 - Mawu a Mulluku

⁹ Estere aamuhakallalliha Hegai sika aamweerella echifundo namwallooyo nave ddeko ddaanamweetella phaama. Sika Hegai aamwinnya mwawaakuva Estere ddawiihella ni yoocha yaayeyaaye. Aamwinnyattho allupa mutteko aatthiyana atthanu ni eelli a o enyumba yoomwene wi emukavihereke. Estere ni allupa muttekwaayaayo yaahiyiwa munipuroni nooreeresesa mu enyumba yaatthiyaneeyo.

Estere 2:9 ပူးပေါင်းရင်းမြစ်များ

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Estere 2:12

Vano vaanakhalla enthawi yawi arive namwalli aye wa mwene Ahasuwero, amallihalle miyeri khumi ni miilli ari va mutetho waatthiyana wawiireeriha. Miyeri mitthanu ni mmodda ddawaamba ddaari ddawiihella makhura a mure.* Miyeri mitthanu ni mmodda ddoohallannddo ddaari ddawiihella ddawunkhella ddimodda.

Estere 2:3

Mwene aakeraatthihe akapitawo mu ezigawo ddittheddene dda omwenaaye. Akapitawaayo yaatthukumanihe anamwalli attheene ooreera o enyumba yawaasungellamo atthiyana o Susa, muzinda muullupalli. Mwaahiye anamwallaayo m'mattani mwa Hegai oyo ari mullupa mutteko oohulliwa* oowaawehera atthiyanaanyu. Nave evahiwe ddawiihella ddooreeriha.

Daniele 1:9

Nave Mulluku ahoollowiha murima wa enduneeyo wi emweerelle echifundo Daniele.

Ezara 7:6

Ezaroolla aawa ovenyera o Babiloni. Olliye aari muhuddihi eeruso a malamulo a Mose ayo Apwiya Mulluku a Israele aavelleelleeye. Nave amwene yaamwinnya ddittheddene avekilleeye ekaamba yawi nnatta na Mullukwaaye naari va olliye.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

1 Mamwene 8:50

Mwaakhululukelle machimwiiwa mattheene ni wuuwukilani wiwa. Nave muweerihe wi adaniiwa eweerelleke echifundo.

Nehemiya 2:8

Nave mukinnyettho kalata mmodda a Asafu oowehera otthako wamwene wi akivahe matabwa oopangella machiwi a millako dda mpanda wa enyumba ya Mulluku, a mpanda wa muzinda ni a enyumba eyo kinaakhallekeemimo.” Nave mwene aakinnya nnddo kavekilleemi vawi nnatta naphaama na Mulluku naari va miyaano.

Estere 5:2

Vano voomoonani mwaaramwene Estere iimellille munthatonimmo, mwenooyo aahakallallana, sika aamutthoonya ni ekopwaaye ya golide eyo yaari m'mattani mwaye. Sika Estere ahaatamella vakhuviru nave aattannya etthoka ya ekopweeyo.

Genesis 39:4

Sika Potifara aahakallalla ni Yosefe. Nave aamutthattusa kaporwaaye navettho oowehera ddittheddene dda mpammo.