Estere 2:12 - Mawu a Mulluku

¹² Vano vaanakhalla enthawi yawi arive namwalli aye wa mwene Ahasuwero, amallihalle miyeri khumi ni miilli ari va mutetho waatthiyana wawiireeriha. Miyeri mitthanu ni mmodda ddawaamba ddaari ddawiihella makhura a mure.* Miyeri mitthanu ni mmodda ddoohallannddo ddaari ddawiihella ddawunkhella ddimodda.

Estere 2:12 ပူးပေါင်းရင်းမြစ်များ

Yesaya 57:9

Munniihella makhura ni ddawunkhella ddinchichi nave munnaya woollapella nifano na Moleki. Munnaaruma amithenga naari o ellapo ya ookhwa.

Miyambo 7:17

Koomiddavo makhura awunkhella phaama a mure,* aloe* ni sinamoni.

Nchipo na Solomoni 3:6

Ethiyo tti tini eyo enavenyera ohakani wonanko mwiisi woottikana, yawunkhella ni mure* ni lubani,* ya ddawunkhella ddittheddene dda amalonda?

Estere 2:3

Mwene aakeraatthihe akapitawo mu ezigawo ddittheddene dda omwenaaye. Akapitawaayo yaatthukumanihe anamwalli attheene ooreera o enyumba yawaasungellamo atthiyana o Susa, muzinda muullupalli. Mwaahiye anamwallaayo m'mattani mwa Hegai oyo ari mullupa mutteko oohulliwa* oowaawehera atthiyanaanyu. Nave evahiwe ddawiihella ddooreeriha.

Estere 2:9

Estere aamuhakallalliha Hegai sika aamweerella echifundo namwallooyo nave ddeko ddaanamweetella phaama. Sika Hegai aamwinnya mwawaakuva Estere ddawiihella ni yoocha yaayeyaaye. Aamwinnyattho allupa mutteko aatthiyana atthanu ni eelli a o enyumba yoomwene wi emukavihereke. Estere ni allupa muttekwaayaayo yaahiyiwa munipuroni nooreeresesa mu enyumba yaatthiyaneeyo.

Estere 2:11

Nllapo ni nllapo Mordekai aaneeteeta va nthato na enyumba yaatthiyaneelle wi adduwelleke dda okumi wa Estere ni mmo ddeko ddaye ddakhallelliiwa.

Estere 2:13

Namwalli aayaaka o enyumba yoomwene yaanamuvaha erive ello eyo apaalleye okusa ovenyera o enyumba yaatthiyaneeyo wi ayeena o enyumba yoomwene.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.